Ana Matok dimisioa eman du, epaileak Gurtel auzian nahasi eta gero
Ana Mato Espainiako Gobernuko Osasun ministroak dimisioa eman du asteazken honetan, Pablo Ruz Auzitegi Nazionaleko epaileak Gurtel ustelkeria auzian nahasi eta gero.
Matok prentsa ohar batean jakinarazi du dimisioa. Horretan, gainera, errugabe dela esan du. "Autoak ez dit deliturik ezta erantzukizun penalik inputatu", gogorarazi du.
Egia da Ruz epaileak ez duela Mato inputatu, baina Gurtel sareak Jesus Sepulveda senarrari emandako opariekin aberastu zela uste du. Hori dela eta, ministro ohia erantzule zibil gisa epai dezakete, ustez legez kanpo jaso zuen dirua itzul dezan.
Hain zuzen ere, 2000. eta 2004. urteen artean Sepulveda-Mato senar-emazteek 70 opari jaso zituztela zehaztu du epaileak. "Zerbitzu turistikoak" izan ziren gehienbat, hau da, bidaiak (hegazkinez, trenez eta autoz) eta ostatuak.
"Ez diet kalte egin nahi Espainiako Gobernuari, presidenteari eta PPri", nabarmendu du Matok, eta agertutako "konfiantza" eskertu die Rajoyri, Ministroen Kontseiluari eta alderdiari.
PPko iturriak aipatuta Europa Press agentziak zehaztu duenez, ostegun honetan Kongresuan ustelkeriari buruzko saio bat egitekoa delako onartu du Rajoyk dimisioa. "Bihar eztabaida hori egingo ez balitz, ez zukeen onartuko dimisioa", esan dute iturriok.
Santamariak hartuko du bere gain kargua, oraingoz
Hurrengo Osasun ministroak ezingo du karguaren zina egin asteazkena arte, Felipe VI.a Espainiako erregeak eta Rajoyk agenda arazoak dituztelako.
Bien bitartean, beraz, Soraya Saenz de Santamaria presidenteordeak hartu ditu bere gain Osasun Ministerioaren ardurak.
Matoren dimisioa Mariano Rajoyren Gobernuan jazotako hirugarrena izan da. Aldez aurretik, Miguel Arias Ca¿k (Nekazaritza) eta Alberto Ruiz-Gallardonek (Justizia) ere utzi zuten kargua.
Kudeaketa polemikoa
Ia hiru urte eman ditu karguan Ana Matok, eta polemika handikoak izan dira. Besteak beste, osasun zerbitzuan murrizketak egin izana, agiririk gabeko etorkinei osasun zerbitzua kendu izana eta koordainketa berriak ezarri izana kritikatu diote.
Berriki, ebolaren krisian egindako kudeaketa ere gogor salatu dute, batik bat Teresa Romero erizain laguntzailea kutsatu eta gero. Azkenean, Rajoyren Gobernuak Santamariari eman zion krisiaren gidaritza.
Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Abalosen aholkulari ohia eguerdian zen deklaratzekoa, ministro ohiaren ondoren, baina abokatu berriak deklarazioa atzeratzea eskatu dio epaileari. Izan ere, ez ei ditu jaso kasuaren ikerketari buruzko agiri guztiak.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.