Arraiz: 'Zalantzarik gabe, Estatu terrorista baten aurrean gaude'
Guardia Zibilaren operazioa “mendekuan oinarritutako erantzuna” dela adierazi du gaur Hasier Arraiz Sortuko presidenteak. “Iritsi da Guardia Zibilari xake-matea emateko garaia”. Sortu presidenteak gaineratu duenez, "zalantzarik gabe Estatu terrorista baten aurrean gaude".
Sabino Cuadra Amaiurreko diputatuak Guardia Zibilak egindako atxiloketak arbuiatu ditu, eta Espainiako Gobernuari bake-prozesuan “atzerapausoak ematea” egotzi dio. “PPren Gobernuak bake-prozesua nola ulertzen duen erakusten du atxiloketen bidez; orain arte egin duen gauza bakarra prozesu hori oztopatzea izan da”, horren hitzetan.
Martin Garitano Gipuzkoako diputatu nagusiak esan du polizia-operazioa “pairatzen dugun demokrazia mailaren erakusgarri” dela. “Herritarrek ozen eta argi hitz egin zuten larunbatean Bilboko kaleetan, gatazkaren konponbideari buruz”, nabarmendu du.
Ainhoa Etxaide LABeko idazkari nagusiak, berriz, operazioa “iragan larunbateko manifestazioari emandako erantzuna” dela adierazi du. Horren aurrean, Euskal Herriko eragile eta erakundeei dei egin die “elkarlanean aritzeko”. “Onartezina da”, azpimarratu du.
Joseba Egibar EAJren bozeramaileak salatu duenez, gaurko operazio judizial eta polizialek "iraganera garamatzate". "ETAk indarkeria utzi eta hiru urtera, ulertezina da guztia ETA da printzipioan oinarrituta aparteko operazioak egiten jarraitzea", kritikatu du buruzagi jeltzaleak.
Eusko Alkartasunak jarduera politikoa “judizializatzeari uzteko” eskatu dio Espainiako Estatuari, eta “bere estrategiarekin tematuta” egotea egotzi dio Rajoyren Exekutiboari. “Euskal Herria iragan beltzean ainguraturik eduki nahi du, euskal gizartea iragan hori gainditu eta denon artean etorkizun hobea eraikitzeako aurrera egiten ari den bitartean”.
Rebeka Ubera Aralarreko idakzari orokorrak "estatu faxista baten dinamikaren" baitan kokatu du gaurko operazioa. Oinarrizko balore demokratikoaren aurka egindako eraso larri da", adierazi du Uberak.
Atxiloketak zergatik agindu dituzten ezagutzera itxarongo du PSE-EEk, baina, ETA deseginda izango balitz, “talde armatuko kidea” leporatzea “ezinezkoa” litzatekeela azpimarratu dute sozialistek.
Arantza Quiroga EAEko PPko presidenteak nabarmendu duenez, ETA “ez da oraindik desegin” eta, hortaz, “Gobernuaren betebeharra da talde terrorista horren aurka borrokatzen jarraitzea”.
UPNk, berriz, Segurtasun Indarren eta epaileen operazioarekin bat egin du, “euren lana egin dutelako”.
UPyD, bestalde, Guardia Zibilaren alde agertu da, “oraindik ere ETAren ibilbidea defendatzen duten pertsonak daudelako”.
nak daudelako”.Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.