Rajoyk biktimei egindako 'traizioak' salatu ditu AVTk bost bideotan
Mariano Rajoyren Gobernuak biktimei egindako ?traizioak? salatu ditu Terrorismoaren Biktimen Elkarteak (AVT) Interneten. Elkarteak bost bideo argitaratu ditu datorren larunbateko protesta justifikatzeko. AVTk elkarretaratzea deitu du Madrilgo Colon plazan.
?Traizio gehiagorik ez? etiketarekin Twitter sare sozialeko kontuan bost bideo labur argitaratu ditu AVTk. Bideoetan, Mariano Rajoy Exekutiboko presidenteak terrorismoaren aurkako politikaz hitz egiten du foro ezberdinetan.
Aurreneko bietan, terroristek ?eskatzeko ezer ez? dutela eta ?euren etorkizuna espetxea? dela dio Rajoyk. Bi bideoak 2007ko martxoan egindako manifestazioan grabatu zituzten. Orduan Rajoy oposizioko buruzagia zen.
Rajoyren hitzekin batera ondoren askatu dituzte ETAko kideen irudiak agertzen dira, besteak beste, Ines del Rio, Santi Potros, Alberto Plazaola eta Josu Uribetxebarria Bolinaga.
Kartzela-baimenak
Biktimak PPren ?balioen estandarterik onena?direla defendatzen du Rajoyk irudietan, eta baita Jose Luis Zapateroren Gobernuak presoei emandako kartzela-baimenak kritikatu ere. Aldi berean Uribetxeberriari emandako hirugarren graduarekin egindako titularrak agertzen dira.
Azken hauteskunde orokorrak egiteko hilabete eskas falta zenean Rajoyk emandako mitin bat jasotzen du hirugarren bideoak. PPko hautagaiak terrorismoaren biktimei ?irtenbideak? eskaini zizkien. Laugarren bideoak PPren hauteskunde-programako promesa nagusiak biltzen ditu.
Lau bideoak traizio hitzarekin bukatzen dira. Azken irudietan, ostera, ?gezurrak bukatu dira? mezua azaltzen da. Zenbait presori espetxetik ateratzeko emandako baimenak aurpegiratzen dizkiote Exekutiboari. Bideoan Jorge Fernandez Diaz Barne ministroa agertzen da.
Zure interesekoa izan daiteke
Aragoiko parte-hartzea % 40,26koa izan da 14:00etan
2023ko bozetan izandako parte hartze datuaren oso antzekoa da (% 0,06 hazi da). Zortzi hautagaiek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.