PPn B kontabilitate bat eraman zuela berretsi du Barcenasek
Alderdi Popularrean B kontabilitate bat eraman zuela berretsi du gaur Luis Barcenas PPko diruzain ohiak, baina alderdiari emandako dohaintzak obren truke egin zirenik ukatu du. Balear Uharteetako administrazio publikoetan zein beste erkidegoetako erakundeetan hori gertatu izana ukatu du Barcenasek.
Bestalde, Madrilera eta AEBetara alde egin zuenean Jaume Matas Balear Uharteetako presidenteari ordainketak egin zizkiotela onartu du PPko altxorzain ohiak. AEBetara alde egin zuenean Genovak Matasi egin zion ordainketa ?ohiko praktika? bat zela azaldu du Barcenasek.
Barcenasen hitzetan, erantzukizuneko kargu bat bete duten pertsonek alde egiten zutenean ?hilabete batzuetan zehar diru kopuru bat? ematea normala zen, ?beharrizanak asetzeko? helburuarekin.
Son Espases ospitalearen eraikuntza ikertzeko batzordean agerraldia egin du PPko altxorzain ohiak, baina bideokonferentzia baten bidez; izan ere, oraindik Soto del Realeko espetxean preso dago. Javier Gomez de Liaño abokatuak ez laguntzea deitoratu du Barcenasek.
PPk jasotzen zituen dohaintzak ?obra publikoa esleitzearen ondorio? ez zirela azaldu du Barcenasek agerraldian. PPko diruzain ohiaren hitzetan, ?enpresek alderdiarekin harreman ona izan nahi zuten eta horretarako operazio horiek egiten zituzten?.
Argazkia: EFE
Alvaro Lapuerta PPko altxorzain nazional ohia operazio horietako bitartekaria zela esan du Barcenasek. Hala ere, bera ere bertan izaten zela erantsi du.
Kontabilitate paraleloa
?Alvaro Lapuertak eta nik kontabilitate paralelo bat eraman genuen urteetan zehar?, adierazi du Barcenasek, baina PPk paradisu fiskaletan konturik ez duela esan du. ?PPk ekarpenak esku-dirutan edo kontu korrontean jaso ditu, eta baita kontabilitate paralelo batean ordainketa batzuen kasuan ere?, gaineratu du. ?Paradisu fiskaletara transferentziarik ez, Suitzako kontuak Luis Barcenasenak dira?, adierazi du.
Lapuertaren eta Villar Mirren arteko harremana ?estua? zela onartu du Barcenasek, baina Son Espases ospitaleari buruz norbaitekin hitz egin ote zuen ez dakiela aitortu du. Hala eta guztiz ere, ospitalearen esleipenarekin loturarik ez dagoela errepikatu du. Villar Mirrek emandako dohaintzak baino askoz handiagoa zen Son Espaseseko obren garrantzia, azaldu duenez.
Espetxetik ateratzear
Espetxetik ateratzeko 200.000 euroko fidantza ezarri zion Auzitegi Nazionalak PPko altxorzain ohiari. Barcenasen familiak dagoeneko dirua biltzea lortu du. Javier Gomez de Liaño abokatuak bermea ordainduko du ostegun honetan, eta diruzain ohia Soto del Realeko kartzelatik aterako da.
Barcenas auzian ?B kutxa bat baldin badago, ez da PPrena, kudeatzen zuen pertsonarena baizik?, adierazi du Maria Dolores de Cospedal PPko idazkari nagusiak. Espetxetik ateratzeko alderdiaren eta altxorzain ohiaren arteko akordioa egon denik ukatu du Cospedalek.
62 urte eta 8 hilabeteko zigorra
Estatuko Abokatutzak 62 urte eta zortzi hilabeteko espetxe-zigorra eskatuko du Barcenasentzat, Gurtel sarearen aurreneko garaiagatik (1999-2005). Ustelkeriaren aurkako Fiskaltzak bezalaxe, PPn B kutxa bat (1990-2008) izan dela frogatutzat jo du Estatuko Abokatutzak.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.