Gure Esku Dagok 'joste eguna' ospatu du asteburuan
Gure Esku dago ekimenak antolatuta, "joste eguna" ospatu dute asteburuan Euskal Herriko hamaika txokotan. Azken hilabeteotan osatutako oihal zatiak elkartu eta josi egin dituzte, ekainaren 21ean Euskal Herriko bost hiriburuetan hautestontzi erraldoiak eraikitzeko.
"Nork bere ideiak, ametsak, desioak idatzi ditugu oihal zatietan. Orain, amets eta desio guzti horien elkartzeari bide eman nahi diogu", adierazi du Gure Esku Dago ekimenak ohar batean.
Oihal zatiak josteaz gain, 70 ekitaldi baino gehiago egin dituzte asteburuan batean eta bestean, erabakitzeko eskubidearen alde ahalik eta atxikimendu gehien jasotzeko.
Atzo, larunbata, Sab Vincent de Horts herriko "castellerren" bisita izan zuten Beasainen eta Aramaion, berriz, etxekoen eta legutioarren arteko bertso-pilota lehia izan zen. Halaber, antzara-joko erraldoi bat egin zuten Elgoibarren eta herri kirol jaialdia, ostera, Donezteben.
Gaur, igandea, festa eguna izan da Hernanin eta Muskizen. Gipuzkoako herrian "Udaberri festa" egin dute bigarrenez eta nazioarteko 12 herrialdetako pintxoak dastatzeko pintxo-potea ere izan da.
Bestalde, Euskal Herriko mugetatik kanpo, "joste eguna" ospatu dute New Yorken (AEB) eta La Platan (Argentina).
Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Era berean, magistratuak baztertu egin du Nafarroako Gobernua akusazio gisa aurkeztea, ez baitu zehaztu zer egitatek ekarriko luketen kaltedun izatea. Maria Chivitek zuzendutako Gobernuak akusazio partikular gisa aurkeztea eskatu zuen joan den astean.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.