Bidegiren aurka jarritako kereila zabaltzea onartu du epaileak
Gipuzkoako Aldundiak uste du Bidegiko ustezko iruzurra hasieran salatutako 3,4 milioi eurokoa baino handiagoa dela; aurreko legealdian ia 24 milioi euro bidegabe erabili zirela salatu du Gipuzkoako Foru Aldundiak. Hori horrela, zabaldu egin du azaroan aurkeztutako kereila, eta kasua ikertzen ari den Azpeitiko epaileak ontzat jo du kereila zabaltzea, Euskadi Irratiak jakin duenez.
Kereilan 13,6 milioi euro bidegabe erabili zirela salatu zuen hasieran Gipuzkoako Foru Aldundiak, eta beste 10 milioi euroko iruzurra izan zela salatu zuen atzo. AP-1eko Eskoriatza-Arlaban zatiari buruzko datuak eman zituen atzo Larraitz Ugarte Bide eta Azpiegitura diputatuak: zati horretako ordainketa egiterakoan aurreko agintariek zifrak "puztu" zituztela pentsatzeko arrazoiak daudela esan zuen Ugartek. Bidegik Arabari zegozkion 10 milioi euro ordaindu zituela salatu zuen diputatuak.
Bidegik bere gain hartu zuen Eskoriatza-Arlaban zatia eraikitzeko lanak egiteko ardura. Lanak amaitu ostean, 2009ko maiatzean, Bidegik 36 milioi euro eskatu zizkion Arabari, lurralde horri zegokion zatiarengatik eta 2011ko urtarrilean ordainketa egintzat eman zuten bi aldundiotako agintariek, besteak beste, Eneko Goya orduko Errepide diputatuaren sinadurarekin.
2011ko ekainean, ordea, Bidegik 41 milioiko likidazioa adostu zuen kontratistarekin Gipuzkoako zatiarengatik. Larraitz Ugartek dioenez, baina, ordainketa horretan Arabako zatiko lanak ere sartu zituzten, aurretik ordainduta zeudenak.
Gipuzkoako Foru Aldundiaren hitzetan, Araba Aldundiko teknikariek berretsi egin dute lurralde hartako lan guztiak 2009an ordaindu zirela. Hori kontuan izanda, Ugarteren lantaldeak salatu du Bidegik egin gabeko lanak ordaindu zituela. Foru diputatuaren arabera, esku artean duten hipotesietako bat da Bidegik puztu egin zituela diru partidak enpresei gehiago ordaintzeko, eta puzte horretan Arabako obra zatiak ere sartu zituztela.
Ekainaren 2an inputatuek deklaratuko dute, bigarren aldiz, eta 3an eta 4an kereila argudiatzeko erabili diren txosten eta neurketak egin dituzten perituek emango dituzte azalpenak epailearen aurrean.
EAJk goitik behera ukatu ditu salaketok. Eider Mendoza EAJko batzarkidearen hitzetan, "likidazio guztiak txosten teknikoetan oinarritu dira beti, eta ez da ordaindu ordaindu behar zena baino zentimo bat gehiago". "Hemen salatu behar dena ezker abertzalearen jarrera da. Hau da, modu zikinak eta estrategia zikinak erabiltzen dituztela, beti bezala", gaineratu du Mendozak.
EH Bilduk "berehalako azalpena" eskatu die Goiari eta Olanori
EH Bilduk auziaren inguruan "berehalako azalpena" emateko eskatu die Markel Olano eta Eneko Goia EAJren buruzagiei.
Joxean Agirre eta Ainhoa Beola koalizio abertzaleko ordezkariek prentsaurrekoa eman dute Donostian, eta argi adierazi dute "aurpegia eman beharra" dutela Markel Olano EAJko Gipuzkoako ahaldun nagusi ohi eta hautagaiak eta Eneko Goia Errepideetako diputatu ohi eta Gipuzkoako hiriburuko alkategaiak.
"Datuak, informazioak eta gertakariak pilatzen ari dira astez aste. Oso larriak dira ustez egin zituztenak", adierazi dute Uberak eta Agirrek.
Zure interesekoa izan daiteke
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.