Polizia gehiegikerien dekretuaren zati bat baliogabetu du Auzitegiak
Eusko Jaurlaritzak polizia gehiegikeriak jasandako biktimei laguntzak emateko dekretuaren zati bat baliogabetu du EAEko Auzitegi Nagusiak, Estatuko Abokatutzaren helegite bati men eginda.
Dekretua Patxi Lopez buru zuen gobernuak onartu zuen 2012ko ekainean eta gerora, 2013ko urrian, moldatu zuen Jaurlaritzak. Estatuko Abokatutzak helegitea jarri zuen horren kontra eta orain etorri da auzitegiaren erabakia.
Dekretuak, 1960 eta 1978 urteen artean poliziaren gehiegikeriak jasandako biktimak babesten ditu, eta 35.000 euro eta 390.000 euro arteko kalte-ordainak aurreikusten ditu.
Dagoeneko 56 espediente aztertu dituzte, eta 30 laguni kalte-ordainak eman dizkiete.
1960 eta 1978 artean "bizi izan zen motibazio politikoko indarkeriaren testuinguruan" giza eskubideen urraketak "sufritu" zituztenei eragiten die dekretuak. Dokumentuan zehazten denez, motibazio politikoko indarkeria funtzionarioek pertsonen eskubideen kontra egiten dutena da, gizarteari eragin nahian egin zena eta zigor gabetasun testuinguru batean. Ekintza terroristak egiten ari zirenean kaltetutakoak ez ditu aintzat hartzen.
Estatuko Abokatutzak helegitea jarri zuen, eta EAEko Auzitegi Gorenak errekurtso horren zati bat onartu du. Horrenbestez, bertan behera utzi ditu euskal dekretuaren 1, 2, 4, 5 eta 7. dekretuak, baita 9,9 atala ere. Salatutako gainontzekoa, berriz, atzera bota du.
Lau dira EAEko auzitegiak baliogabetutako jarduerak: garrantzitsuena, abokatutzaren ustez, kalte-ordainak emateko Estatuko Legea aplikatzeko “beharra”. Lege horrek laguntzak kobratu ahal izateko irizpideak finkatzen ditu.
Jasandako kalteak frogatzeko, “sinesgarritasunik” ez duten “txostenak” onartu izatea kritikatzen du auzitegiak. Izan ere, kalteen “froga sinesgarririk” ez dela eskatzen eta “medikuen edozein txosten” onartzea da epaileak salatzen duena.
Eusko Jaurlaritzak batzorde baten bidez aztertu ditu ustezko biktima guztien eskaerak, baina, hori ere, baliogabetzat jo du Auzitegiak. Argudiatu duenez, batzorde horretako kideek ez dute “ezagutza nahikorik” kalte mediko horien inguruan iritzia emateko. “Ez da medikuez osatutako batzordea eta, hortaz, ez da gai aurkeztutako kalteak ebaluatzeko”.
Bestalde, kalte-ordainak emateko “irizpideak” ere baliogabetu ditu auzitegiak. Jaurlaritzaren dekretuak giza eskubideen nazioarteko organoen irizpideak jarraitzen zituen baina, “definizio maila txikiegia” argudiatu du epaileak puntu hori baliorik gabe uzteko
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.