ETA, armagabetze prozesua Jaurlaritzarekin partekatzeko prest
ETAk desarmatze prozesua Eusko Jaurlaritzarekin eta euskal eragile politiko eta sozialekin partekatzeko prestutasuna agertu du kaleratu berri duen agiri batean.
"Prozesu eta bide horren baitan, ETA prest dago armagabetzerako diseinu partekatu bat egiteko eta gainerako ataletan dagokion ekarpena egiteko", adierazi du agirian.
Gara eta Berria egunkariei igorritako dokumentuan, ETAk "eginkizun garrantzitsua" aitortzen dio Jaurlaritzari, "konponbidearen alde eginez gero" betiere.
Edonola ere, gogorarazi egin ditu Gobernu espainiarraren eta frantsesaren jarreren ondorioz dauden "zailtasunak". Era berean, azpimarratu du armategien zigilatzean parte hartu zuten egiaztatzaileak "Auzitegi Nazionalera eta Baionako Polizia-etxera eraman zituzten".
Aipatu egunkariek argitaratutako agiriotan agertzen denez, ETAk Jaurlaritza kritikatu du, aldebakarreko proposamen bat egin zuelako Nazioarteko Egiaztatzaileen Batzordeak armagabetze prozesuan urratsak egiten ari zela jakinarazi ostean.
Armategien zigilatzea egin eta 15 hilabetera, ETAk dei egin die "konponbidearen" alde dauden guztiei "gatazkaren ondorioak gainditzeko moduak adostera, bide-orria eratuta".
"ETAk bere armategien zigilatze prozesuarekin aurrera jarraituko du. ETAk badaki prozesu hau beste baldintza batzuetan garatuko balitz ez lituzkeela egun dituen ahulguneak izango eta prest dago nola hobetu daitekeen aztertzeko", dio agirian.
Erakunde armatuaren arabera, martxan zegoen prozesua eta ezker abertzalea kaltetzea zuen helburu Jaurlaritzaren agerraldi horrek, eta ez dio oniritzirik eman proposamenari, bideragarria ez delakoan, eta garaileen eta garaituen eskeman oinarritzen dela iritzita.
Hala ere, ETAk berretsi du Jaurlaritzak "eginkizun garrantzitsua" duela. Horregatik, Jaurlaritzari eta euskal eragile sozial eta politikoei gatazkaren ondorioak konpontzeko ibilbide orria adosteko deia egin die, tartean armagabetze prozesu partekatua.
Horren harira, baliagarritzat jo ditu Foro Sozialaren aholkuak, Baionako Adierazpena, Jaurlaritzaren 'Zuzen Bidean' proposamena, EH Bilduren 'Bakerako euskal bidea', EPPKren ekimena eta egiaztatzaileekin abiatutako armak zigilatzeko prozesua.
EH Bilduk egindako proposamena
EH Bilduk orain dela gutxi egindako "Bakerako Euskal Bidea proposamenaren aurkezpenarekin erakutsi duen jarrera nabarmendu nahi du ETAk". "EH Bilduren proposamenak gatazka politikoaren ondorioak gainditzeko osagaiak biltzen ditu eta egiazko arazoak konpontzeko arrazoizko bideak proposatzen ditu"
ETAren ustean, "proposamen bakoitzaren inguruan ñabardurak egin daitezke, baina elkarrizketa zintzo eta eraikitzaile bat zabaltzeko aukera eskaintzen duenik ezin da ukatu".
Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.