Indarkeriaren kontrako Batzordeak informazioa eskatu dio Poliziari
Indarkeriaren, Arrazakeriaren eta Xenofobiaren aurkako Espainiako Gobernuaren Batzordeak Errege Kopako txistualdiaren inguruko informazioa biltzeko eskatu dio Poliziari, eta informazio-espedientea ireki die txistualdia sustatu zutenei. Halaber, zigorrak egon daitezkeela ohartarazi die Espainiako Futbol Federazioari, Bartzelonari eta Athletici.
Batzordeak ezohiko bilera egin du gaur, urgentziazkoa, Athletici eta Bartzelonari zigorrak ezartzea aztertzeko, talde horien zaleek Espainiako himnoari txistu egin ziotelako Errege Kopako finalean.
Bileraren ostean jakitera eman dutenez, horren inguruko informazioa Fiskaltzara igorriko dute, eta Errege Kopako txistualdiaren inguruko informazioa biltzeko eskatu diote Poliziari. Bi klubei ere eskatuko diete informazioa.
Espainiako Kirol Batzordearen egoitzan agerraldia egin dute Miguel Cardenal erakunde horretako presidenteak eta Francisco Martinez Estatuko Segurtasun idazkariak, gertatutakoaren inguruan aritzeko.
Gertatutakoaren aurrean bere "gaitzespen irmoena" agertu du Martinezek, eta, "bereziki, txistuengatik eta ahozko zein keinuzko irainengatik". Segurtasun idazkariaren arabera, kirol ikuskizuna erabili zen "irain jasanezin bat" egiteko, eta hori "oso larria" dela adierazi du.
Neurriak
Bi ordezkariek iragarri dutenez, Batzordeak honako erabaki hauek hartu ditu:
-Poliziari txistualdiaren inguruko informazioa eskatzea.
-Txistualdia sustatu edo horretan lagundu zutenei informazio-espedientea irekitzea.
-Dokumentazio hori Fiskaltzaren esku uztea, zigor mailan izan ditzakeen ondorioak aztertzeko.
-Generalitateko segurtasun arduradunei partidako segurtasun koordinatzailearen aktak eskatzea, eta zaleen kokapenaren inguruko irizpideei buruz galdetzea.
-Dokumentazioa eskatzea Espainiako Futbol Federazioari, Bartzelonari eta Athletici, kirol ikuskizun baten ohiko jardunaren ziurtapena bete zuten egiaztatzeko. Horri lotuta, bi taldeek egiaztatu egin beharko dute txistualdia gerta ez zedin aldez aurretik ''beharrezko neurriak'' hartu zituztela.
Espainiako Gobernua
Finaleko atsedenaldian, Espainiako Gobernuak agiri bat plazaratu zuen, txistuak "gaitzesteko". Izan ere, "espainiar guztiak ordezkatzen dituzten ikurren aurkako erasoa" izan zela adierazi zuen.
Gainera, gaur bertan PPk iragarri du Espainiako ereserkiaren aurkako txistualdirik ez errepikatzeko lege aldaketak bultzatuko dituela.
Albiste gehiago politika
Estatuko fiskal nagusiaren aurkako epaiketa abiatzea erabaki du Auzitegi Gorenak
Alvaro Garcia Ortiz Espainiako Estatuko fiskal nagusiaren kontrako ahozko epaiketa abiatzea erabaki du Angel Hurtado Auzitegi Goreneko epaileak, Isabel Diaz Ayuso Madrilgo presidentearen mutil-lagunaren kasuari buruzko filtrazioengatik, sekretuak zabaltzea egotzita.
Pello Otxandianok uste du Pedro Sanchezek Gazako genozidioaren aurka hartutako neurriak "ondo planteatuta" daudela eta "horretarako unea" zela
Pello Otxandianok ziurtatu duenez, "gobernuak ez dira egoerak eskatzen duen maila ematen ari eta Europar Batasuna ez da existitzen, besteak beste, bere proiektu politikoa Estatu Batuei saldu eman dielako", eta AEB "Palestinan genozidioa defendatzen eta sostengatzen" ari da eta.
Joseba Diez Antxustegi, Gazako genozidioaz: "Giza eskubideez ari garenean, alderdikeriak alde batera utzi behar ditugu"
Israelek Gazan egindako erasoen aurrean protesta egiteko moduari buruz EAJren eta EH Bilduren artean sortutako eztabaidari "garrantzia kendu" nahi izan dio Diez Antxustegik, uste baitu "alderdi guztiek edo gehienek gai honetan jarrera politiko bera" dutela.
Anduezak uste du Euskadik "Gazako sarraskia neutralizatzen" lagundu behar duela, eta hausnarketa egin dezala eskatu dio CAFi
Euskal sozialisten buruak adierazi duenez, Jaurlaritzak Pedro Sanchezek aurkeztutako neurriak "baloratu" behar ditu, eta ez du uste "inolako erresistentziarik" egongo denik neurriak onartzeko. Israelekin kontratuak dituen CAFek "hausnarketa etikoa" egin beharko lukeen galdetuta, Anduezak esan du gai batzuk "ekonomiaren eta merkatuaren gainetik" daudela.
Pradales kezkatuta agertu da "Frantziako zurrunbiloagatik", eta adierazi du sendotasuna eta egonkortasuna funtsezkoak direla Europan
Lehendakaria kezkatuta agertu da Frantziak bizi duen krisi politikoagatik eta gobernagarritasunagatik, eta ohartarazi du Frantziako ezegonkortasunak ondorio zuzenak izan ditzakeela Europan eta Euskadin.
Chivite, Saiz eta Foru Gobernuko hainbat kargudun 'Koldo auzia' ikertzeko Senatuko batzordera deituko dituzte
UPNk eskatuta eman beharko dituzte azalpenak Senatuan. Alderdi horren arabera, Guardia Zibilaren Unitate Zentral Operatiboaren azken txostenek eta Santos Cerdanen atxiloketak agerian uzten dute "Nafarroako sareak" geroz eta "protagonismo handiagoa" duela "ustezko ustelkeria sarean".
Sanchezen inbestidurako taldeek begi onez hartu dituzte Israelen aurkako neurriak, baina "berandu" datozela uste dute
Podemosek, PPk eta Voxek, berriz, Espainiako Gobernuaren erabakia kritikatu dute. Presidenteak Israelen aurkako bederatzi neurri iragarri ditu, izan ere, astelehen honean, genozidioagatik zigortzeko.
Sanchezek garapenerako lankidetzan inbertitzea aldarrikatu du, eta ez "% 5 defentsan"
Pedro Sanchez Espainiako Gobernuko presidenteak adierazi du garapenerako lankidetzan inbertitzea "zentzuzkoena" dela; izan ere, bere ustez, BPGaren % 5eko inbertsioak horretan lagunduko du gehiago, segurtasunean barik. Aldiz, NATOko kideek hori egiteko konpromisoa hartu dute.
Anduezak aurrekontu "hedakorra" eskatu dio Pradalesi, adostutako "gobernu akordioari eratzungo diona"
Halaber, buruzagi sozialistak lehendakariari esan dio Gernikako Estatutuaren erreforma lantzea alderdi politikoei dagokiela.
Imanol Pradales Eneko Andueza PSE-EEren idazkari nagusiarekin bildu da
Imanol Pradales lehendakaria Eneko Andueza PSE-EEren idazkari nagusiarekin bildu da gaur arratsaldean, Lehendakaritzan, EAEko alderdiekin egiten ari den bilera-sortaren baitan.