Biktimengana 'berandu' iritsi direla onartu du Urkulluk
'Terrorismoaren Biktimak eta Gizartea' jardunaldietan hartu du parte, gaur goizean, lehendakariak, Donostian. Estatu osoko biktimen elkarteak eta gizarte ordezkariak batu dira hausnarketa jardunaldian. Lehendakariak autokritika egin du, "1970eko eta 1980ko hamarkadetako terrorismoaren biktimei erantzuna berandu eman izanagatik".
Merkataritza Ganberaren egoitzan egin den topaketa Eusko Jaurlaritzak antolatu du, "aintzatespen instituzional" gisa. Urkulluk esan du hobeto egin behar dira alor horretako politika publikoak, eta hiru oinarri direla ezinbestekoak: biktimak eta gizarteak bat egitea, hausnarketa autokritikoa ea gutxieneko etiko bat defendatzeko ausardia.
Lehendakariak adierazi du berandu etorri dela "biktimek merezi duten sentiberatasuna eta erantzuna". Urkulluren esanetan, nolabaiteko "hutsartea" gertatu zen ETAren, GALen eta Batallon Vasco Españolaren biktimei eskainitako arretan, batez ere, 1970eko eta 1980eko hamarkadetan. Bere esanetan, autokritika beharrezkoa da kasu honetan, eta, horrenbestez, Eusko Jaurlaritzaren izenean "barkamena" eskatu du "lehenago erreakzionatu ez izanagatik".
Iraganari begiratu ostean, Urkulluk gogorarazi du gaur "ETAren mehatxurik gabe" bizi garela, eta "etorkizuna eraikitzeko garaia" dela. "Baina etorkizuna eraikitzeko ezin dugu iragana argitu gabe aurrera egin, errekonozimendurik gabe edota gertatutakoari kritikarik egin gabe", azaldu du. "Etorkizuna eraikitzeko gutxieneko etikoak zehazteko, ezinbestekoa da biktimei alferrik eragindako samina aitortzea, baita terrorismo modu guztiak eta terrorismoa legitimatzeko ahaleginak gaitzestea ere", baieztatu du.
Lan-jardunaldia gaur goizeko 09:00etan hasi da, lehendakariaren hitzaldiarekin, eta ondoren, Terrorismoaren Biktimen Partaidetzarako Euskal Kontseiluko presidenteak, Jose Luis de la Cuestak hitz egin du. Jarrian, eztabaida-dinamika bati ekin diote parte-hartzaileek: zazpi-zortzi bat lagunez osatutako saioetan biktimek gizartean zer zeregin izan behar duten landu dute.
AVT: 'Urkulluren autokritikak lasaitu egin gaitu'
Angeles Pedraza Terrorismoaren Biktimen Elkarteko (AVT, gaztelera) presidenteak pozik hartu ditu Iñigo Urkullu lehendakariak esandakoak eta biktimengana "berandu" iritsi izana aitortzeak "lasaitu egin" dituela azpimarratu du. Adierazpenok inflexio puntua izango dira elkartearen eta Jaurlaritzaren arteko harremanean.
Biktimen, biktimen elkarteen eta erakundeen arteko jardunaldian izan da Pedraza, Donostian. AVTren presidentearen aburuz, Urkullu "oso ausarta" izan da barkamena eskatuta, "egin duen moduan, are gehiago, terrorismoaren biktimez lepo zegoen areto batean egin dituelako adierazpenak".
Hitzok "harriduraz" hartu ditu Pedrazak, baina biktimak "lasaitu egin" dituela azpimarratu du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.