Ortuzar: 'Himnoaren hurrengo txistualdia are handiagoa izan daiteke'
Andoni Ortuzar EAJren presidenteak deitoratu duenez, Madrilek entzungor egiten du Errege Koparen finalean Espainiako himnoari egindako txistualdiaren arrazoien aurrean. "Horren ondorioz, himnoaren hurrengo txistualdia are handiagoa izan daiteke", iragarri du jeltzaleak.
Bartzelona eta Athletic futbol-taldeen arteko partidan izandako txistualdiaren ondorioz, politika eta kirol munduan izandako erreakzioak komentatu ditu Ortuzarrek EFEri eskainitako elkarrizketa batean.
Horren irudiko, "himnoaren txistualdiagatik eskandalizatzen direnek ez diote bere buruari galdetzen zer dela eta ehun mila lagun ados jarri diren manifestazio zaratatsua egiteko, eta hori da kezkagarriena".
"Bere akatsari eusten diote, eta horren ondorioz, himnoaren hurrengo txistualdia are handiagoa izan daiteke. Ez dira ohartu, baina egin dutena nahi dutenaren aurka doa", ondorioztatu du Ortuzarrek.
"Ez dut uste txistuak bota zutenak harro daudenik, baina hori egiteko sentimendua eta beharra dute, eta ehun mila lagunek aldi berean protestatzen dutenean, arazo bat dago, eta beharbada hori konpontzera joan beharko genuke", adierazi du.
"Ez dut uste inori eraso egiteko asmorik zutenik, gustura ez dauden egoera batengatik protestatzea baizik", gaineratu du. Ortuzarrek gogora ekarri duenez, " Espainiako, Euskadiko eta Kataluniako himnoak entzunaraztea proposatu nuen xume, eta hara entzun behar izandakoak! Nire ustez, horrek txistualdiak ekiditu izango lituzke".
Txistualdi erraldoia Nou Campen, Espainiako himnoaren aurka
Albiste gehiago politika
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Gasteizko Udalak biktimek egindako sakrifizioa ez ahazteko deia egin du Miguel Angel Blancoren omenaldian
Gasteizko Udalak ostegun honetan omenaldia egin dio Miguel Angel Blancori, ETAk duela 28 urte bahitu eta hil zuen Ermuko PPren zinegotzia.
"Herri gisa bizirauteko senagatik", EH Bilduk PP agintera heltzea "eragotziko" du
Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".