Jaurlaritzak 'Memoriaren Plaza' zabaldu du bakea sendotzeko asmoz
Eusko Jaurlaritzak Memoria Plaza izeneko ekimena aurkeztu du, herritarren lekukotzak hartzeko eta, hartara, oroimen partekatu eta plurala eraikitzeko. Proiektuaren bidez, Bakegintzako eta Bizikidetzako idazkaritzak bake, bizikidetza eta giza-eskubideen kultura finkatu eta sendotu nahi ditu, baita parte-hartzea bultzatu ere, Gobernu Irekiaren Zuzendaritzarekin lankidetza hertsian eta erakunde arteko elkarreraginez.
Jaurlaritzak hedabideetara igorritako oharraren arabera, 2015eko ekainaren eta azaroaren bitartean abiatuko da programa, eta hiru ekarpen mota jasoko dira. Herritarrek borondatez emandako zuzeneko oroimen-lekukotzak; focus group izenez ezagutzen den parte-hartze prozesu kualitatibo bat dela-medio lortutako iradokizunak eta, azkenik, adituen iritziak.
Prozesuaren emaitzak Oroimenaren, Bizikidetzaren eta Giza Eskubideen Institutuan utziko dira, Institutua inauguratzen den unean, datorren azaroaren 10ean.
Memoria Plaza Ekimenaren bitartez, gonbita luzatu diete herritarrei bere lekukotza eman dezaten, oroimenaren puzzlearen eta memoriaren eraikuntza demokratiko eta partekatuaren pieza bat balitz bezala.
Hiru formatu planteatu dira: Emozioak, 7 segunduko formatuan. Adineko pertsonen aurpegi-adierazpena grabatzeko, gehienez 7 segundoko bideotan, soinurik gabe eta lehen planoan. Pertsona baten aurpegia haren oroimenaren erretratu bat da.
Lekukotzak, 2 minutuko formatuan. Azken 80 urteetako bakearen, askatasunaren eta demokraziaren aldeko borrokaren memoriari lotutako bizipenen nahiz oroitzapenen lekukotzak biltzeko, gehienez 2 minutuko bideotan.
Hirugarrenez, proposamenak, 1.000 karaktereko formatuan. Oroimenaren, bizikidetzaren eta giza eskubideen politika bat garatzeko proposamen mahaigaineratzeko, modu positiboan eta gehienez 1.000 karaktereko testuetan laburbildurik.
Mugikorraren bitartez helarazi ahalko dira ekarpen guztiak, eta www.memoriaplaza.eus web-orrian ikusi.
Zure interesekoa izan daiteke
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.