Cifuentes, Madrilgo presidente berria Ciudadanosen babesari esker
Cristina Cifuentes PPko hautagaia Madrilgo Erkidegoko presidente izango da datozen lau urteetan, hala aukeratu baitu Parlamentuak, Ciudadanosen babesari esker, PSOEk eta Podemosek kontra bozkatu arren.
Cifuentesek aldeko 65 boto eta kontrako 64 jaso ditu (ez da abstentziorik izan). Madrilgo Erkidegoko bosgarren presidente izango da, eta maiatzaren 24ko hauteskundeak irabazi eta hilabetera lortu du izendapena.
Hala ere, Ciudadanosekin lotu duen inbestidura itunari esker lortu du presidente izatea. Izan ere, 76 puntuko programa bat adostu dute, ustelkeriaren kontrako borrokaren, osasunaren, hezkuntzaren, zerbitzu sozialen eta hedabide publikoen inguruan.
Horren arabera, Cifuentesek politikarien forudun izaera ezabatu beharko du, Gobernuko agintaldia bi legegintzaldira mugatu, eta azken bi agintaldietako auditoria egitea agindu.
Era berean, uko egin beharko die osasun alorreko pribatizazioei, Madrilgo Erkidegoko Aholkularitza Kontseilua desegin beharko du, eta Kontuen Ganbera eta Telemadrid despolitizatu.
Albiste gehiago politika
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak egoera politikoa dela eta kezkatuta dagoela adierazi du beste behin, eta ikerketa azken bururaino eramatea eskatu. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Gamarrak PPren idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak; izan ere, alderdiaren Justizia arloa zuzenduko du, ziurrenik. Miguel Tellado da Gamarra ordezkatzeko hautagaietako bat, PPk Kongresuan duen bozeramailea bera.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.
Sanchezek dio Cerdanekin irmo jokatu zutela, eta orain justiziaren garaia dela
Alderdiak erantzukizun politikoak bere gain hartu zituela eta Cerdan alderditik baztertu zutela azpimarratu Espainiako presidenteak. Ikuspuntu politikoaren harira, esan du PSOEren jarrera beste alderdi batzuenarekin konparatuta "alde handia" dagoela esan du. Feijook Sanchezen dimisioa eta hauteskundeak aurreratzea eskatu du berriro.