Gaixo dauden presoak aske uztea eskatu du Sarek Gasteizen
Sare presoen eskubideen aldeko herritarren plataformak giza katea egin du larunbat honetan Gasteizen, gaixo dauden presoen kaleratzea eskatzeko.
Sarek gaurko deitutako ekitaldia debekatzea eskatu zion Terrorismoaren Biktimak Babesteko Plataformak (APAVT) Auzitegi Nazionalari, haren ustez, gaurko kontzentrazioaren helburua ETAko kide edo kolaboratzaile izateagatik zigortuak izan direnak gorestea zela argudiatuta.
Giza katea abiatu aurretik kazetarien aurrean hitz egin du Amets Martinez Sareko bozeramaileak, eta azaldu du atzo jaso zutela Auzitegi Nazionaleko 3. zenbakiko epaitegiaren autoa esanez mobilizazioa egiteko baimena zutela. Martinezen hitzetan, plataformak bere ibilbide guztian "inoiz ez du gutxietsi, umiliatu eta terrorismoa goraipatu".
Martinezek azpimarratu du badela garaia erakunde horri giza eskubideen alde "bakean" lan egiten uzteko.
Halaber, adierazi du gaurko ekitaldiaren helburua gaixo dauden presoen egoera salatzea zela eta gaineratu du horien egoera "legearen kontrakoa" dela.
Giza katea 12:30ean abiatu da Gasteizko Santiago ospitaletik eta Justizia jauregiaren aurrean amaitu da. Mobilizazioan ehunka lagunek parte hartu dute, tartean, Belen Arrondo eta Estitxu Briñas EH Bilduko legebiltzarkideek edota Joseba Azkarraga Sareko kide eta Eusko Jaurlartziako Justizia sailburu ohiak.
Mobilizazioaren amaieran Haritz Larrañaga sarekideak hartu du hitza eta, besteak beste, honakoa esan du: "Paris eta Madrilgo gobernu zentralen krudelkeriaren aurrean, gu guztiok gizatasuna jarri dugu".
"Estatuek, Madrilgo eta Pariseko gobernuek modu sistematikoan urratzen dituzte euskal presoen eskubideak eta hori argi eta garbi esan beharra dago. Gaixo dagoen pertsona bat preso mantentzea, batetik, presoaren bizitzarekin modu krudel batean jolastea da eta, bestetik, legez kanpokoa", gaineratu du.
Halaber, giza eskubide guztien urraketekin amaitu beharra dagoela azpimarratu du: "Dispertsioarekin amaitu behar dugu, gaixotasun larriak dituztenak etxeratu behar ditugu. Herritarrok, indar guztiak jarri behar ditugu helburu hauek lortzeko".
Bestalde, 18:30etik aurrera dispertsioaren kontrako mobilizazioa egingo dute Gernikan, Merkurio plazatik abiatuta.
Ez dira bi horiek eguneko ekitaldi bakarrak izango, izan ere, ekitaldiak izango dira Abadiñon eta Errenterian.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.