Azarotik aurrera PSE asko nabarmenduko dela ziurtatu du Sanchezek
Hauteskunde orokorrak irabazten baldin baditu PSE-EEk azarotik aurrera paper garrantzitsua izango duela ziurtatu du Pedro Sanchez PSOEko idazkari nagusiak. Idoia Mendiak zuzendutako alderdiak 2016ko hauteskundeetan garaipena lortzeko bere laguntza izango duela ziurtatu du Sanchezek.
EHUko areto nagusian egindako ekitaldi publikoan, ?oso erradikala? izango dela ohartarazi dio Sanchezek Mariano Rajoy Gobernuko presidenteari, baina ustelkeriaren aurkako borrokan eta langileen defentsan.
Era berean, gaur Rajoy Exekutibotik ?kanporatzeko beste arrazoi? bat dagoela adierazi du buruzagi sozialistak. ?Gobernari onek bete dezaketen hori agintzen dute?, esan zion Espainiako Gobernuaren presidenteak Artur Mas Generalitateko presidenteari. ?Tira! Datorren azaroan kaleratzeko beste arrazoi bat badugu?, azpimarratu du.
Urkullu eta Sanchez lehen aldiz bilduko dira ostiral honetan
Iñigo Urkullu lehendakariak eta PSOEko idazkari nagusiak bilera egingo dute ostiral honetan. Lehendakariaren eta buruzagi sozialistaren arteko aurreneko batzarra izango da.
Bilera 12:30ean hasiko da Lehendakaritzan. Egoera ekonomikoa, Estatu eredua eta autogobernua, eta bakea eta elkarbizitza aztertuko dituzte agintariek, lehendakariarentzat lehentasuna duten gaiak direlako.
Bestalde, Pedro Sanchez Radio Euskadiko ?Boulevard? irratsaioan elkarrizketatuko du Sonia Hernandok, ostiral honetan, 09:00etan.
Albiste gehiago politika
EAJk jakinarazi du Miguel Telladok PPrekiko harremanari berriro heltzea eskatu diela
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak onartu egin du PPren ordezkariarekin hitz egitea kortesia parlamentarioagatik.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak egoera politikoa dela eta kezkatuta dagoela adierazi du beste behin, eta ikerketa azken bururaino eramatea eskatu. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Gamarrak PPren idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak; izan ere, alderdiaren Justizia arloa zuzenduko du, ziurrenik. Miguel Tellado da Gamarra ordezkatzeko hautagaietako bat, PPk Kongresuan duen bozeramailea bera.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.