PPk Garoñako zentral nuklearra berriro irekitzeari beldur dio EAJk
Ekologistek eta Santa Maria de Garoñako zentral nuklearratik gertu bizi diren herritarrek partekatzen duten beldurra ere duela azaldu du Ramiro Gonzalez Arabako ahaldun nagusiak. Izan ere, jeltzaleak adierazi duenez, litekeena da PPren Gobernuak legegintzaldiaren azken hilabeteak aprobetxatzea Garoña berriro ireki ahal izateko "behin betiko mugimenduren bat eginda".
"Orain arte PPk emandako urrats guztiak norabide horretan doazela ematen du, eta PPk badaki erabaki hori hauteskundeak baino lehen hartzen ez badu, litekeena da Kongresuaren gainerako indar politikoek Garoñaren behin betiko itxieraren alde egitea", esan du Ramirok, "hori dela eta, azken hilabete hauetan beldur gara".
Gonzalezek aitortu duenez, Euskadiko eta Arabako erakundeek ez dute "presioa egiteko legezko tresnarik", baina "alor politikotik Garoña berriro irekitzearen aurkako jarrera garbia erakutsiko dugu; gainera, zentral nuklearra lehenbailehen desegin behar dutela gaineratu nahi dugu".
Garoñaren auzian, Gobernu zentrala "oso bidegabea izan da Arabarekin, ez bakarrik itxiera eskaerei muzin egin dielako, baizik eta Garoñaren balizko itxiera dela eta, neurri ekonomikoak aurreikusi dituenean, Burgosen bakarrik pentsatu duelako".
Fracking
Araban fracking teknika bidez gas-poltsak lehertzeko aukeraren gainean Gonzalezek defendatu duenez, gasa ateratzeko teknika horrek "ez dauka zentzurik Araban, ingurugiroarekiko oso erasotzailea baita". "Teknika horren aurka nago, eta Araban hori garatu ez dezan egin beharreko guztia egingo dut", aurreratu du.
Dena dela, Eusko Legebiltzarrean bideratutako Herri-Ekimen Legegileari egin dio aipamena, eta "alde tekniko juridikotik ikusita, Estatuaren helegitea saihesteko modurik onena" dela uste du.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.