Araba beldur da Madrilgo Gobernuak ez ote duen Garoña berriz zabalduko
Ramiro González (EAJ) Arabako Ahaldun Nagusia arduratuta azaldu da Madrilgo Gobernuak eta Alderdi Popularrak ez ote duten Garoñako zentrala (Burgos) berriz zabaltzeko ahalegina egingo, urte bukaerarako aurreikusita dauden hauteskundeen aurrean. Gonzalezek jakitera eman duenez, presio politikoko neurriak hartuko dituzte aukera hori saihesteko asmoz.
Arabako Gobernuko arduradun nagusiak Diputatuen Batzorde osteko prentsaurrekoan adierazi du bat datorrela Araba Garoñarik gabe plataformak agertu dituen susmoekin. Susmo horien arabera, Mariano Rajoyk zuzentzen duen kabinetea 2013tik itxita dauden instalazioak (lizentzia iraungi ostean) berriz irekitzeko aukera aztertzen egongo litzateke, datozen hilabeteei begira.
Nuclenorrek (bertan Iberdrolak eta Endesak erdibana parte hartzen dute) ustiapen-baimena luzatzeko eskabidea egin du, instalazioak berriro zabaltzeko xedearekin. Eskabide hori Segurtasun Nuklearraren Kontseiluan ari dira aztertzen.
Gauzak horrela, Gonzalezek jakinarazi du Arabako Aldundiak eta Araba Garoñarik Gabe elkarteak "presio politikoko neurriak" hartzeko aukera aztertuko dutela, Garoñako instalazio nuklearrak berriro ireki ditzaten ekiditeko asmoz. Instalazioak Burgosen egon arren, Arabako hainbat udalerritik gertu daude.
Zure interesekoa izan daiteke
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Baso-sute handi bat piztu da Ezkabarten
Suak zuhaizti bati eragiten dio, eta kea Iruñetik ikus daiteke.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.