Ustelkeriaren kontrako konpromisoa erakusteko eskatu dio ERCk Masi
Kataluniako alderdi politiko nagusiek azalpenak eskatu dizkiote Artur Mas Generalitateko presidenteari, atzo Guardia Zibilak Convergencia Democratica de Catalunya (CDC) alderdiaren Bartzelonako egoitza nagusia eta Catdem fundazioaren egoitza miatu ostean. Antza denez, dokumentazio bila sartu ziren aipaturiko bi egoitzetara, legez kanpoko komisioak kobratu zituzten argitzeko.
Oriol Junqueras ERCko buruak Convergenciari eskatu dio "ekintzekin" erakuts dezala ustelkeriaren kontra duen konpromisoa eta Justiziak eskatzen dion informazioa helarazi dezala.
RAC-1 irrati kateari eskainitako elkarrizketan, ERCko buru eta Junts pel Si hautagaitzako bosgarrena denak atzoko polizia operazioa hizpide izan du. ERC alderdiak ustelkeriaren kontra duen konpromisoa berretsi du eta "gardenak" izateko eta konpromisoa "ekintzekin" erakusteko eskatu die zerrenda bateratu independentista osatzen duten gainerako indarrei.
Convergencia legez kanpo finantzatu dela frogatuko balitz, Artur Masek erantzukizun politikoak bere gain hartu beharko lituzkeela adierazi du Miquel Iceta PSCko buruzagiak. "Ezer arrarorik ez dagoela diote CDCn eta horretarako eskubide osoa dute. Hala ere, legez kanpoko finantzazioa izan dela frogatuta gelditzen bada eta epai bat baldin badago, Mas presidenteak erantzukizun politikoak bere gain hartu beharko lituzke", adierazi du.
Bestalde, Xavier Garcia Albiol PPren Generalitaterako presidentegaiaren hitzetan, Artur Mas presidenteak Raul Romeba Junts pel Si hautagaitzako zerrendaburua "erabiltzen" ari da haren "gonapean CDCren ustelkeria estaltzeko". Junquerasek, Masek eta Romevak atzoko miaketei buruzko azalpenak eman behar dituztela uste du hautagai 'popularrak' eta Kataluniaren etsairik nagusiena Artur Mas dela gaineratu du.
Azkenik, Ines Arrimadas C´s alderdiko zerrenda buruak adierazi du Kataluniako parlamentuan miaketen inguruko azalpenak emateko eskatuko diola Artur Masi.
ola Artur Masi.Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.