Guardia Zibilak CDC eta haren fundatzioa miatu ditu
Guardia Zibila Convergencia Democratica de Catalunya (CDC) alderdiaren egoitza nagusian sartu da ostiral honetan, Bartzelonako Corcega kalean, dokumentazio bila (legez kanpoko komisioak kobratu zituzten argitzeko), ikerketatik gertuko iturriek jakitera emandakoaren arabera.
CDCren alderdiaren Catdem fundazioaren egoitza bat eta Kataluniako lau udaletxe (Lloret de Mar, Figueres, Sant Celoni eta Sant Cugat del Valles) ere miatu dituzte, Tarragonako El Vendrell herriko 1. zenbakiko Epaitegiaren aginduz, horren esanetan. Epaitegi horrek darama 'Petrum auzia', Torredembarrako Udaleko ustezko ustelkeriagatik zabalitako auzia.
Kasuaren gertuko iturriek zabaldu dutenez, Catdem fundazioaren egoitzara sartzeaz gain, Lloret de Mar, Figueres, Sant Celoni eta Sant Cugat del Valles herrietako udaletxeetara sartu da Guardia Zibila informazio bila, administrazio publikoaren kontrako delituak ikertzeko agiri bila. Eguerdian amaitu dute fundazioaren miaketa
Ustelkeriaren kontrako Fiskaltzarekin batera egiten ari dira miaketak, eta, antza denez, Daniel Osacar alderdiko diruzain ohiaren etxea ere miatzekoak dira. Ustezko udal ustelkeriagatik zabaldutako 'Petrum auzia'ren baitan egiten ari dira polizia operazioa, eta, iturri horien hitzetan, ez dute inor atxilotzea aurreikusten.
22.30ean amaitu da miaketa eta Guardia Zibilak Andreu Viloca administratzailearen bulegotik hainbat kutxa atera ditu. Dokumentu horien gehiagoen CatDem fundazioaren kontabilitatearekin lotuta dago, alderdiko iturriek adierazi dutenez.
Horrez gain, ikerlariek administratzailearen ordenagailuaren kopia bat eta hainbat espedienteren kopiak egin dituzte.
Sumarroca familiako hiru kide, inputatuta
Auzi horretan, Sumarroca familiako hiru kide daude inputatuta; CDC alderdiaren fundatzaileetako baten seme den Jordi Sumarroca, tartean.
Uztailaren 23an atxilotu zuten Jordi Sumarroca, Joaquim osaba eta Susana lehengusinarekin batera, ustelkeriaren eta diru zuriketaren kontrako operazio batean. Aipaturiko auzian, kontratazio publikoen bidez Daniel Massague Torredembarrako alkate ohiaren enpresei ustez legez kanpo emandako komisioak ikertzen ari dira. Instrukzioko epaileak karguekin libre utzi zituen Joaquim eta Susana Sumarroca, baina pasaportea erretiratu zien, badaezpadako neurri gisa. Bestalde, Jordi Sumarroca karguekin aske gelditu zen abuztuaren 11n, 600.000 euroko bermea ordaindu ostean.
Sumarroca familiako kideei atzemandako dokumentuetatik tiraka, lau udal horien lanen esleipenen % 3 Catdem fundazioari ordaindu izanaren zantzuak atzeman zituen Guardia Zibilak.
CDCk bere burua defendatu eta miaketak hauteskundeetan izan lezakeen eragina deitoratu du
Josep Rull CDCko koordinatzaile nagusiak alderdiaren ohorearen alde egin du, Catdem fundazioan ostiral honetan izandako miaketa gorabehera (alderdiarekin erlazioa du fundazio horrek). Dioenez, honek interferentzia sor lezake Kataluniako hauteskundeen aurrekanpainan.
"Lasai gaude. Gauzak ondo egin ditugu. Gure ohorea defendatuko dugu", esan du Rullek, eta Catdemek jasotako diru-laguntzen gardentasunaren alde egin du. Rullen arabera, Catdemi eskatu zaiona da hainbat enpresak Catdemi emandako diru-laguntzen gaineko dokumentazioa, eta horien legaltasuna bermatu du: "Dena da argia, garbia eta gardena".
Rullek nabarmendu du CDC beti egoten dela justiziari laguntzeko prest, gardentasunaren bila, eta uste du onartezina dela komunikabideek alderdiak baino lehenago izatea miaketaren berri. CDCk, ondorioz, babesa eskatuko du.
Soraya Saenz de Santamaria Espainiako Gobernuko presidenteordeak ere hizpide izan du CDCren egoitzaren miaketa eta epaileen erabakiak "gehiago errepestatzeko" eskatu dio alderdiari. "Kanpoan etsaiak aurktu beharrean, hobe lukete barruan gertatzen denaz arduratuko balira", adierazi du Saenz de Santamariak.
Zure interesekoa izan daiteke
Pradalesek eta Ubarretxenak ostegunean erabakiko dute transferentzien bilerara joateko baldintzak betetzen ote diren
Transferentzien Batzorde Mistoa ostiralean da biltzekoa. Aurretik, transferentzien eskualdaketa sinatzeko "beharrezko bermeak" betetzen ote diren aztertuko dute lehendakariak eta sailburuak. EITBk jakin ahal izan duenez, "akordio batera iristeko etengabeko harremanak" izaten ari dira, eta "aurrerapausoak" eman dira.
Torresek ziur da ostiralean tranferentzien batzordea bilduko dela, aurrez akordioa itxita
Baikor agertu da buruzagi sozialista, eta uste du etzi bost eskumenen eskualdaketa izenpetuta geratuko dela. Ukatu egin du Espainiako Gobernua emandako hitza urratzen ari denik.
Oscar Tellez Vox Navarrako kidea inputatu du Fiskaltzak, gorroto delitua egotzita
Salaketaren arabera, Tellezek TikTok eta Instagram plataformetan argitaratutako edukiek migratzaileen aurkako gorroto delitua sustatzen dute.
Agurainen atxilotutako adin txikikoa erregimen itxian sartzea agindu du epaileak, jihadismoarekin lotura duelakoan
16 urteko gaztea astelehenean atxilotu zuten, talde terroristako kide izatea, terrorismoa goratzea eta doktrinatzea egotzita.
PP eta EH Bildu "kezkatuta" agertu dira Getxoko Udaleko miaketarekin
Eduardo Andradek (PP) adierazi du "lotsagarria" dela Getxo horrelako gai batengatik hedabideetan agertzea. Dena argitu ondoren, "erantzukizunak eskatu beharko dira", gaineratu du. EH Bilduko Mikel Bildosola, berriz, kezkatuta agertu da, ez dakitelako kasu isolatu bat izan den edo "honen atzean gehiago dauden".
Getxoko Udalak dio "aktiboki" ari dela ikerketan laguntzen, eta "irregulartasunak" ukatu ditu
Asteazken honetan, Ertzaintzak miaketak egin ditu Getxoko Udaleko zenbait bulegotan, epailearen aginduz, herriko jauregi babestu bat eraisteari buruzko ikerketa baten barruan. Ohar batean, alkateak "gardentasun eta erantzukizun mezua" helarazi du, eta "Udalaren esku dagoen guztian, legearen arabera" jokatu dela esan du.
Ertzaintzak Getxoko Udala miatu du, eraitsitako jauregiaren auzian
Ikerketa sekretupean dago eta biharko aurreikusita zeuden deklarazioak bertan behera utzi dituzte.
EH Bilduren ustez, eztabaidak hainbeste mediatizatzen direnean atzetik "arrazoi partidistak daude, eta ez herritarren interesak"
Nerea Kortajarena EH Bilduren legebiltzarkide eta Programa idazkariak Euskadi Irratian adierazi duenez, "puntu honetara iritsita, argi geratzen da herritarren ongizatea eta eskubideak bermatzeko behar dugun instrumentu potenteena estatus politiko berri bat litzatekeela".
Francori eta Molari emandako ohorezko tituluak baliogabetuko dituzte Arabako Batzar Nagusiek
EH Bildu, EAJ, PSE-EE eta Elkarrekin Araba taldeek foru arau proposamen bat aurkeztu dute, diktadoreari eta militarrari emandako probintziako aita eta ohorezko diputatu nagusia tituluak kentzeko.
Bizkaiko Foru Aldundia Ministerioarekin negoziatzen ari da Urdaibain inbertsioa mantendu dezan, museoaren proiektua bertan behera geratu den arren
EH Bildu eta PP taldeek eskatuta Batzar Nagusietako Batzorde Instituzionalean egindako agerraldian, Elixabete Etxanobe Bizkaiko ahaldun nagusiak esan du museoen proiektua bertan behera uztea eragin zuen irizpide aldaketa "erantzukizunak" gidatu zuela, horren kontrako prozesu judizialek eta egiteke dauden tramitazioek zortzi urte inguru atzeratuko zutela egiaztatu baitzuen.