'Bidea prestatzeko' bilera baterako deia egin dio Arraizek Quirogari
"Elkarrizketarako bidea prestatzeko, ahalik eta lasterren bilera baterako" deia egin dio Hasier Arraiz EH Bilduko buruak Arantza Quiroga Euskadiko PPko buruzagiari. "Herrialdeko indar guztiek osatutako mahaitik etorri beharko da elkarrizketa", gaineratu du Arraizek.
'Bakea, erabakia' lelopean EH Bilduk larunbat honetarako Donostian deitutako manifestazioan parte hartu aurretik egin ditu Arraizek adierazpen horiek. ETAko buruak Frantzian atxilotu ostean deitu zuten gaurko martxa. Horren asmoa, antolatzailearen esanetan, "bakeari azken bultzada ematea da".
Indarkeriaren aurka ezker abertzaleak egindako azken adierazpenei garrantzia eman zien atzo Quirogak. Gaur Arraizek egindako deiak Quirogak esandakoari erantzun dio, eta "hitz berriak" direla azpimarratu du. "Quirogak harritu gintuen, izan ere, beste aldeak ezker abertzaleak emandako urratsak aintzat hartu dituelako, eta horretara ez gaude ohituta", esan du, "hori dela eta, erakutsitako jarrera eta esandakoa eskertu nahi dizkiegu Quirogari".
"Errazena da desberdintasunak azpimarratzea, aldentzen gaituena, zailena da, ordea, komuneko txokoak aurkitzea, txikiak izan arren, bakerako eta normalizazio demokratikorako bidean aurrera egin ahal izateko", ondorioztatu du.
Manifestazioa
Gauzak horrela, milaka lagun parte hartu dute EH Bilduk eta EH Baik deitutako martxan. Bi koalizioek manifestazioaren ostean nabarmendu dutenez, "urratsak ematen jarraituko dugu, euskal herritarrak bakean bizi izatea Espainiako eta Frantziako Gobernuei gustatzen ez bazaie ere".
Martxa 17:00etan abiatu dute, Artzain Onaren plazatik, eta 18:00ak aldera amaitu da. Orduan, Pablo Gorostiaga Laudioko alkate ohiak eta presoak eta Garazi Mugertza EH Bilduko batzarkideak agiria irakurri dute Sagueseko zelaigunean.
Manifestazioan milaka pertsona izan dira, tartean, Sortuko ordezkariak (Pernando Barrena eta Rufi Etxeberria), Iñigo Iruin abokatua, Amaiurreko ordezkariak (Sabino Cuadra, Alberto Unamunzaga eta Xabier Mikel Errekondo), Tasio Erkizia ezker abertzaleko kide historikoa eta EH Bilduko ordezkariak (aipatutako Hasier Arraiz eta Miren Beitialarrangoitia). Martxa bitartean, ETAko presoen aldeko leloak oihukatu dituzte.
Manifestazioa amaitu ostean Gorostiagak azpimarratu duenez, "euskal gizarteak duintasunaren adibide berria eskaini du", eta "euskal gizartearen energia" nabarmendu du "bakea eta askatasuna nahi ez dutenei aurre egiteko".
"Herri honek ez du inoiz amore emango, duintasun propioa eta askatasunerako eskubidea bereganatu dituelako", gaineratu du, "etorkizun bakea eta askea merezi du Euskal Herriak".
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.