Pujol sendiaren aurkako makro-operazioa egin dute, ustelkeria egotzita
Pujol sendiak dituen etxebizitza eta enpresa batzuk miatu ditu Espainiako Poliziak asteartean, Poliziaren iturriek jakinarazi dutenez. Operazio zabala izan da, eta 200 agente aritu baitira 15 miaketa egiten. Jordi Pujol Kataluniako presidente ohiaren zazpi seme-alabetako hiruren (Jordi, Pere eta Josep) enpresa sarearen kontrakoa da, iturri horien arabera.
Jordi Pujol eta Marta Ferrusolaren etxebizitzan, hiru semeen etxeetan eta enpresetan sartu dira agenteak. Epaileak dirua zuritzearen delituagatik Pere eta Josep anaiak inputatu ditu, Jordi seme nagusiak ustez modu irregularrean irabazitakoak kudeatzen lagundu dutelakoan.
Generalitateko presidente ohiaren etxearen miaketari dagokionez, logela batera mugatu da. Jordi Pujol Ferrusolak ebakuntza eduki berri du, eta gurasoenean dago; horrek erabiltzen duen logela besterik ez dute miatu.
15 miaketa
Jose de la Mata Auzitegi Nazionaleko epaileak zuzenduta, Espainiako Polizia Nazionaleko Delinkuentzia Ekonomiko eta Fiskaleko Unitateak abiatu du operazioa. 15 miaketa egin dituzte aldi berean: 13, Bartzelonan, eta bi, Madrilen.
Espainiako hiriburuan, Isolux enpresaren egoitzan eta Luis del Sol enpresaburuaren etxean sartu dira. Bartzelonan, Carles Villarrubi Bartzelona Futbol Taldeko presidenteorde eta enpresaburuaren etxean ere izan dira agenteak. Jordi Pujol Ferrusolaren izenean dauden bi industria pabiloi eta Merce Girones emazte ohiaren etxeak ere miatu dituzte.
Horiez gain, Bartzelonako Ganduxer kaleko 5. zenbakian dagoen bulego bat arakatzen aritu dira agenteak. Iniciatives, Marketing e Inversions, Project Marketing Cat eta Active Translation. Ikerketaren arabera, Jordi Pujol Ferrusolak modu irregularrean jasotzen omen zituen funtsak ezkutatzeko erabiltzen zituen enpresok.
Pere Pujolen etxean 96.000 euro topatu dituzte agenteek. Gainerako miaketetan dirutza (ez horrenbestekoa, dena den) eta dokumentazio ugari aurkitu du Poliziak.
Miaketak 21:00ak pasata eman dituzte bukatutzat.
Jordi semeak Kataluniako presidente ohiaren etxean erabiltzen duen logela miatu dute agenteek. Argazkia: EFE
Atxiloketarik, ez
Ikerketaren arduradunen hitzetan, gaur ez dute atxiloketarik egin, ustelkeria politikoarekin lotutako delituak inputatzeko frogak biltzea izan baita operazioaren helburua. Hala, dirua zuritzea, delitu fiskala, iruzurra eta Estatuaren ondarearen kontrako delitua leporatu diete akusatuei.
Andorrako agintariei eskatutako erreguzko eskaera jaso berri du Espainiako Poliziak, eta bertan zegoen informazio zabalari esker abiatu dute gaurko operazioa.
Hiru urteko ikerketa
Auzitegi Nazionaleko epaileak 2012an abiatu zuen Jordi Pujol Ferrusolaren ondasunen inguruko ikerketa, haren emazte ohiak jarritako salaketa bati tiraka.
Enpresaburu batzuek egin ez omen ziren lanengatik Jordi Pujolen seme nagusiari emandako dirutzak aztertzen ari da epailea. Ikerketaren arabera, esleitutako lan publikoengatik Pujol familiak eskuratutako legez kanpoko komisioak egon daitezke horren guztiaren atzean.
Beste auzi bat ere badago Pujol sendiarekin lotuta; familiak Andorran ezkutatuta izan zuen diruaren jatorria ikertzeko Bartzelonako epaile batek 2014an abiatutakoa, alegia. Kataluniako presidente ohiak urte bereko uztailean aitortu zuenez, aitak herentzian utzitako dirutza izan zuen bertan gordeta 30 urtez.
Kataluniako auzi hori De la Mataren esku beharko lukeela uste du Fiskaltzak, Pujolen seme nagusiak familiaren "negozio ekonomiko" ugari kudeatu baitzituen "hainbat hamarkadatan". Horrez gain, Fiskaltzaren arabera, "jasotako dirutza zuritzeko hainbat jarduera ere argitu behar dira".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.