Negozioak eta familia bereizi dituzte Oleguer eta Josep Pujolek
Oleguer eta Jordi Pujolek, Jordi Pujol Generalitateko presidente ohiaren semeek, euren negozioak eta inbertsioak eta familiaren ondarea bereizi dituzte gaur. Etekinak eta administrazio publikoaren kontratuak lortzeko aitaren figuraz aprobetxatu direnik ukatu dute.
Pujol familiak atzerrian ezkutaturik izan zuen dirutzaren jatorria ikertzen ari den ikerketa batzordean agerraldia egin dute gaur Oleguer eta Josep Pujolek, Mireia arrebarekin batera, nahiz eta azkenak deklaratzeari uko egin. Gaia ?guztiz azalduta? dagoela argudiatu dute bi anaiek.
Oleguer iruzur fiskalagatik eta dirua zuritzeagatik inputatu zuen Auzitegi Nazionalak. Josepek, aldiz, ez du auzirik. Zazpi anai-arreben artean auzirik zabalik ez duen bakarra da. Ogasunarekin atzerapenik ez dutela ziurtatu dute biek. PPren Gobernuak bultzatutako amnistia fiskala baliatu eta Andorrako dirua erregularizatu zuela onartu du Oleguerrek.
Josep Pujol: "Ez dut esango amnistiari heldu nion ala ez?
Josep anaiak bideokonferentziaz Ameriketako Estatu Batuetatik deklaratu du. Ustezko herentziaren zatia nola aberriratu zuen ez du azaldu Josepek: ?Ez dut esango amnistiari heldu nion edo ez. Baliteke lehenago erregularizatzea?.
Florenci aitonaren legatua onartzeko garaian aitak harturiko erabakia zalantzan jarri dute bi anaiek. Jordi Pujolek seme-alaben izenean ?uko egin behar? izan ziola onartu du Oleguer Pujolek. Josepek, aldiz, hurrengoa adierazi du ironiaz: ?Agian furgoneta batekin joan behar izan zuen, dirua hartu eta Gurutze Gorriaren egoitzan utzi Genevan, beharbada bai?.
Mireia Pujol. Argazkia: EFE
Polizia Nazionalak Oleguer Pujol atxilotu zuen iragan urrian. Higiezin-salmentan mugitu zituen ia 3.000 milioi euroak bereak ez direla ziurtatu du Oleguerrek, ezta familiarenak ere. Nazioarteko funtsenak eta inbertitzaile ospetsuenak direla gaineratu du. Auzitegi Nazionala dirutza hori ikertzen ari da.
Defentsa ildo berdina erabili du Josep Pujol Ferrusolak oposizioko diputatuen galderei erantzuteko garaian. Europraxis eta Indra enpresen zuzendaria izan zenean kontratatu zituen obra publikoak azaldu behar izan ditu.
"Ez da mafia bat, inola ere ez"
Josep Pujolen hitzetan, bere familia ?ez da mafia bat, inola ere ez?; izan ere, ?bakoitza bere kasa ibili da eta ahal izan duen moduan bizi izan da?. ?Eraginen trafikoa egin nahiko banu, nondik hasi ez nuke jakingo?, erantsi du.
Bestalde, Mireia Pujolek deklaratzeari uko egin dio. Oposizioaren galderak erantzuteari uko egin dion Pujol familiako kide bakarra izan da. Hala ere, Carlos Carrizosa C?sko diputatuaren galderen aurrean protesta egin du Mireiak: ?Haiek haiek dira eta ni ni?, adierazi du.
Zure interesekoa izan daiteke
UPNk Ibarrola aukeratu du Nafarroako hauteskundeetarako zerrendaburu, botoen % 85ekin
Ibarrolak esan du "Nafarroak behar duen aldaketa politikoa gidatzeko konpromisoarekin" heltzen diola erronkari, eta azpimarratu du bere alderdia dela "benetako alternatiba bakarra".
Hizkuntza politika berriak eragile ezberdinekin eraikitzea helburu duen prozesua hasi du EH Bilduk
Euskarak “momentu kritikoa” bizi duela ikusita, “eskala handiko erreakzioa” lortu nahi du koalizioak. Horretarako, euskararen komunitate osoaren eta adituen parte-hartzea izango duen prozesua egingo dute hurrengo asteetan.
PSE-EEk EAJri eskatu dio argitzeko Santurtzin presioa egin ote zuen gertuko jendea kontratatzeko, eta esan du “ez dela trukerako txanpona izango”
Sozialistek auzi hori Trapagarango egoeratik bereizi dute —bertan gutxiengoan gobernatzen dute—, eta udalaz gaindiko akordioak baztertu dituzte.
EH Bilduk berriro irabaziko luke Gasteizen eta 8 zinegotzi izango lituzke, eta PSE-EEk eta EAJk 6 zinegotziei eutsiko liekete
PPk egun dituen 6 ordezkarietako bat galduko luke, Elkarrekin alderdiak zinegotzi bat mantenduko luke eta Voxek lehen aldiz lortuko luke ordezkari bat.
Estebanen ustez, PSE-EE hauteskundeei begira dago, eta horregatik areagotu ditu EAJren kontrako kritikak
Herri Irratian eskaini duen elkarrizketa batean EAJren EBBko presidenteak esan duenez, Eneko Andueza PSE-EEko idazkari nagusiak "dena antolatuta du zarata egiteko", benetan ez dagoelako lasai hitz egin ezin daitekeen eztabaida sakonik.
Ikurrina eztabaida legegiletik kanpo geratu da Idahon, eta eraikin ofizialetan jarraitu ahal izango du
Lehendakariak Idahoko Estatuko Ordezkarien Ganberari horren inguruko azalpenak igorri ostean, Eusko Jaurlaritzak esan du ez dutela ikurrina debekatuko.
Laura Garridoren esanetan, Santurtziko, Getxoko eta Osakidetzako kasuek erakusten dute EAJk "legezkotasuna urratzen" duela bere mesedetan
Laura Garrido PPk Eusko Legebiltzarrean duen bozeramaileak salatu duenez, Santurtziko lan-eskaintza publiko baten azterketaren ustezko filtrazioak, Getxoko jauregiaren kasuak eta Osakidetzako segurtasuneko buru ohia kargura titulu faltsu bat aurkeztuta iritsi izanak agerian uzten dute EAJk "prozedurak aldatzen dituela eta legezkotasuna urratzen duela Administrazioa bere eta bere lagunen zerbitzura jartzeko".
GEBehatokiak Nazio Batuen Erakundera eraman du Iratxe Sorzabalen kasua
Euskal erakundeak CEDAW Emakumearen aurkako Diskriminazioa Ezabatzeko Nazio Batuen Erakundearen Batzordeari eskatu dio “tortura delituaren preskribaezintasuna berariaz jaso dadila nazioarteko betebehar eta konpromiso gisa”.
Lander Martinezen arabera, ezkerreko aliantzarako lehen urratsa Gobernuan dauden alderdien artekoa izan den arren, zabala da eta nahi duen oro dago gonbidatuta
Sumarreko diputatuaren iriziz, "begi onez" ikusi behar dira ezkerra batzeko sortzen diren egitasmo guztiak: "Hori beti izango da ona ezkerrarentzat". Horren ustez, Yolanda Diazek du "gaur egun profil politiko onena", baina ezkerreko aliantza horren liderra nor izango den ez dute oraindik eztabaidatu ere egin.
EAJ ez den beste alderdi batek Santurtzin agintzeko aukera "ez du ikusten" Ansolak
Karmele Tubilla Santurtziko alkate jeltzaleak dimisioa eman ondoren, EH Bildu lantzen ariko litzatekeen gehiengo alternatiboari buruz galdetuta, Iñigo Ansola EAJren Bizkaiko presidenteak esan du ez duela alkatetza galtzeko arriskurik ikusten. Aurreratu du jada jarri direla PSE-EEkin harremanetan. "Ikusiko dugu zer ematen duten negoziazioek", zehaztu du, 'Ganbara' saioan egin dioten elkarrizketan.