Ciutadans, PSC eta PPk berehalako babesa eskatu dio Konstituzionalari
Ines Arrimadas Ciutadansen buruak; Miquel Iceta, PSNrenak; eta Xavier Garcia Albiol, PPCrenak, Auzitegi Konstituzionalaren berehala babesa eskatu dute gaur, Kataluniako Parlamentuak ez dezan Junts pel Sik eta CUPek adostutako proposamena bozkatu.
Ciutadansen eta PPren helegiteek Parlamentuaren osoko bilkura bertan behera geratzea eskatzen dute, hain zuzen ere.
Alderdiek nork bere aldetik aurkeztu dute helegitea, Parlamentuko Mahaiak Junts pel Siren eta CUPen proposamena aintzat hartu izanaren kontra, Auzitegi Konstituzionalak datorren astean egingo den osoko bilkura galaraz dezan.
Ines Arrimadas Ciutadansen buruzagiak kazetarien aurrean esan du mozioak ordena demokratikoa urratzen duela, eta gustura agertu da hiru indar elkarlanean ari direla ikusita.
"Gaur maila eman dugu", berretsi du Arrimadasek, independentismoaren kontrako elkarlanaren lehen urratsa besterik ez izatea espero duela adierazi aurretik.
Xavier Garcia-Albiol PPCren presidenteak esan du gaurkoa egun "tristea" dela Kataluniarentzat, hiru alderdi politikok Konstituzionalera jo behar izan dutelako "tirania ekintza baten aurrean babesteko". Hala ere, begi onez jo du PSCren eta Ciutadansen babesa.
"Ez da subiranotasun prozesua, baizik eta tirania onartezina", azpimarratu du Garcia-Albiolek.
Miquel Iceta PSCren bozeramaileak azpimarratu du Espainiako Gobernuak "ondoan" izango dituela, kataluniarren "eskubideen zapalketa"tzat jo duen hori geldiarazteko.
Independentziaren aldeko ebazpena
Kataluniako Parlamentuak onartu egin zuen atzo independentziaren aldeko ebazpena izapidetzea, Ganberako Mahaiak errefusatu egin baitzuen ekimen hori ez eztabaidatzeko Ciudadanosek eta PSCk egindako eskaerak.
Ebazpen independentista Junts pel Si koalizioak eta CUPek adostu dute, eta baliteke hilaren 9an bozkatzea.
Egun horretan bertan hastekoa da Generalitateko hurrengo presidentearen inbestidura saioa, baina baliteke independentziaren aldeko ebazpena lehenago bozkatzea, CUPek eskatu bezala.
Junts pel Sik eta CUPek adostutako ebazpenean, irailaren 27ko hauteskundeen "agindu demokratikoak" independentziarako prozesua bermatu zuela jaso dute, eta Auzitegi Konstituzionalaren balizko erabakien menpe ez egoteko deia egin dute, epaitegi hori "deslegitimatuta" dagoelako.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.