Junts Pel Siren eta CUPen agiriaren tramitazioa, geldituta
Junts Pel Sik eta CUPk Kataluniako estatu independentea sortzeko atzo aurkeztutako agiriaren tramitazioa gelditu du gaur Kataluniako Parlamentuaren Mahaiak.
Bi arrazoi izan dira izapidea gelditzeko. Batetik, Ciutadansek eta PSCk agiriari errekurtsoak aurkeztu izana eta Alderdi Popularrak talde parlamentarioa osatu ez izana. Izan ere, Parlamentuaren Bozeramaileen Batzordeak aztertu behar ditu oposizioaren errekurtsoak, baina erakunde hau ezin da bildu talde guztiak osatuta ez badaude. Alderdi Popularrak ez du halakorik egin, eta hori gertatu arte, izapidea gelditu beste erremediorik ez du izan Mahaiak. Hala, litekeena da tramitazioa inbestidura saioa egin ondoren bideratzea.
Legealdi berria aurreratuago balego, Parlamentuak 48 ordu izango lituzke PSC eta C?s alderdiek aurkeztutako eskariak onartzen dituen eta, ondorioz, subiranotasunaren aldeko proposamena gelditzen edo bultzatzen duen erabakitzeko. Kasu honetan, ordea, talde parlamentario bat osatu gabe dagoenez, Bozeramaileen Batzordea eratu gabe dago, eta erabakia geroratu behar izan du Parlamentuak.
Alderdi Popularrak azaroaren 5era arte du talde parlamentarioa osatzeko.
Eztabaidaren data, zalantza bakarra
Parlamentuko iturriek argitu dutenez, beste aukerarik bada: Bozeramaile Batzordearen bilera deitzea, PPko kideak gonbidatuta. Tramitazioan aurrera egiteko modua izango lukete modu horretan.
Ganberak hartuko duen bidea zein den gorabehera, ziurra da ganberak Ciutadansek eta PSCk aurkeztutako ekimenak baztertuko dituena, Junts Pel Sik eta CUPek gehiengo osoa baitute behin betiko erabakia hartzeko eskumena duen erakundean, Parlamentuko Mahaian, alegia.
Hortaz, zalantza bakarra independentziaren aldeko bi alderdien ekimenaren eztabaidaren data da. Ez da, ordea, zalantza makala, Junts Pel Sik eta CUPek osoko bilkura hori lehenbailehen, inbestidura saioa baino lehen, egitea nahi dutelako.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.