Jose Maria Jimeno Juriori, Nafarroako Urrezko Domina
Urtero bezala, Nafarroako Urrezko Domina emateko ekitaldia izan da Nafarroako Egunaren hitzordu nagusia. Aurten, Jose Maria Jimeno Jurio historialari eta etnografoa nabarmendu nahi izan du Foru Gobernuak, hil osteko saria emanez. Haren senideek jaso dute domina, "Nafarroako kulturari lan historikoen, etnografikoen eta toponimikoen bitartez egin zuen ekarpenarengatik".
Ekitaldi instituzionalak, baina, apur bat lehenago hasi dira, eta berrikuntza batekin hasi ere. Aldaketaren aldeko gobernuak Nafarroako Erresuma omendu nahi izan du, eta horretarako oroimen eta aintzatespen ekitaldia antolatu du Nafarroako Errege Artxibo Nagusian (Nafarroako errege-erreginen jauregia izan zena), Iruñean. Hala, Foru erkidegoko agintariek lore-eskaintza egin dute Nafarroako Erresuma aintzat hartzeko paratutako plaka ondoan.
Han izan dira Uxue Barkos Nafarroako Gobernuko presidentea eta Ainhoa Aznarez Nafarroako Parlamentuko presidentea, eta Iruñeko, Tuterako, Lizarrako, Zangozako eta Erriberriko alkateak. Aurrez, gaitero, txistulari eta dantzariek erakustaldia eskaini dute.
Eguerdian, berriz, 2015eko Urrezko Domina eman die Barkosek Elena Aranguren Jimeno Jurioren alargunari eta Roldan Jimeno semeari.
Beste ekitaldi kultural batzuk
12:30ean, Nazioen Jaialdia egin dute Burlatako Kultur Etxean. Hainbat herrialdetako folklore taldeen erakustaldia izan da bertan, Ekuador, Nikaragua, Errusia, Kolonbia, Bolivia, Nigeria, Peru eta Aljeriatik etorritako taldeena, besteak beste.
13:00etan, Nafarroako abesbatza eta musika-bandek 87 kontzertu eskainiko dituzte Nafarroako hainbat herritan. Nafarroako himnoarekin ekin diete denek ikuskizunari. Guztira, 3.284 artista aritu dira kantuan edo musika jotzen.
20:00etan, azkenik, Iruñeko Orfeoiaren kontzertua izango da Baluarten. Aurten 50. urte betetzen ditu orfeoiak, eta, hori dela eta, oroitzapenezko kontzertua prestatu dute abenduaren 3 honetarako: 100 bat orfeoilari ohik hartuko dute parte bertan.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.