Akordiorako proposamena egin dio Junts pel Sik CUPi
Bi hilabeteko negoziazioen ondoren, Junts pel Sik "akordiorako proposamena" egin dio CUPi. Dena den, CUPeko militanteek akordioari babesa eman beharko diote abenduaren 27ko batzar nagusian, Gironan.
Romevak azpimarratu duenez, Junts pel Siren azken proposamenean ere Artur Mas da Generalitaterako presidentegaia. Ildo horretan, adierazi du Kataluniako errepublikara bidean "prozesu eratzailea" egitea jasotzen duela dokumentuak, beti ere, "segurtasun juridikoa" bermatuta. Gainera, proposamen horretan pobreziari eta etxegabetzeei aurre egiteko egitasmoa ere adostu dute bi alderdiek.
Junts pel Siko diputatuak agerraldia egin du eguerdian, koalizioaren izenean negoziazioetan parte hartu duten pertsonak alboan zituela. Romevak azpimarratu duenez, ez litzateke presidente bat izendatuko presidentzia bat baizik. Dena den, aitortu du legearen ikuspuntutik begiratuta, ez litzatekeela aldaketarik izango eta Kataluniako Parlamentuak presidente bakarra aukeratuko lukeela.
Hala ere, Romevaren hitzetan Mas ez litzateke gobernu "autonomikoko" presidente izango trantsiziozko gobernu bateko burua baizik; izan ere, Masek eta beste hiru pertsonek -ziur aski Raül Romeva, Oriol Junqueras eta Neus Munté- osatuko lukete presidentzia.
Gizarte larrialdiei aurre egiteko egitasmoari dagokionez, Romevak esan du 270 milioi euroko aurrekontua adostu dutela, besteak beste, haur pobreziari eta pobrezia energetikoari aurre egiteko eta etxegabetzeak eragozteko.
Romevak azaldu duenez, proposamenean ez dute zehaztu inbestidura saioan CUPek zenbat boto emango lituzkeen Masen alde. Mas presidente izendatzeko ezinbestekoa da, gutxienez, CUPek aldeko bi boto eta zortzi abstentzio ematea.
CUPeko diputatuek ez dute botoa bideratuko
Bestalde, CUPeko diputatuek astearte honetan iragarri dutenez, ez dute JxSren proposamenaren bozketan botoa bideratuko ezta horren inguruko iritzirik emango ere igandean egin behar duten Batzar Nagusian, ''Junts pel Síren dokumentu'' baita aurkeztutako.
Albert Botran CUPeko diputatuak prentsaurrekoan azaldu duenez, parlamentariak ''bitartekariak'' baino ez dira, eta ez dute ez baloraziorik egingo ezta botorik emango ere.
Negoziazioak
Hauteskunde orokorretako gauean, Masi babesik eman behar ez ziola berretsi zuen CUPek, baina CDCk eta ERCk babesa eman zioten berriro astelehenean.
Astelehenean eta asteartean bi taldeen arteko bilerak areagotu dira Kataluniako Ganberan, negoziazioan aurrera egiteko. Akordioa lortzeko epea urtarrilaren 10ean agortzen da; bestela hauteskundeak deitu beharko dituzte berriz.
Abenduaren 22an negoziazioen muinera heltzea eskatu zuen CUPek duela egun batzuk, ituna batzar nagusiko bozketara eraman baino lehen.
Balorazioak
Josu Erkoreka Eusko Jaurlaritzako bozeramaileak esan du espero duela Katalunian legegintzaldi "emankorra" izatea eta katalanen eskariei eta aginduei erantzutea.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.