'Oztopoak kentzen bidelagun' izan daitezela eskatu die Sarek alderdiei
Larunbat honetan, Bilbon eta Baionan, presoen eskubideen alde egingo diren manifestazioetan parte hartuko duten alderdi politikoei eta bertan parte hartzeko militanteei askatasuna eman dien alderdiei eskerrak eman dizkie Sarek gaur goizean eman duen prentsaurrekoan. “Ez bata ez bestea egin dutenei ere” errespetua erakutsi die plataformak. Horrekin lotuta, “Euskal Herrian benetako bakea lortzeko dauden oztopoak kentzeko laguntza” eskatu die alderdiei.
Teresa Toda eta Joseba Azkarraga Sareko bozeramaileek adierazi dutenez, 170-200 autobus inguru bertaratuko dira Bilbon eta Baionan egingo dituzten martxetara, iazko manifestaziora joan zirenen antzera, zehaztu dutenez.
Halaber, 200 bat kazetarik emango dute manifestazioaren berri, eta 500 bat boluntariok lagunduko dute Bilboko manifestazioan.
Oraindik ere elkartasun mezuak jasotzen ari direla adierazi dute, “Palestina, Argentina, Bolivia, Korsika eta Irlandatik”, esan dute. Hori dela eta, gaurko manifestazioak jendetsuak izango direla espero dute antolatzaileek. “Milaka lagunek esan dute euren izenean ez zapaltzeko presoen eskubideak, ez uzteko espetxean preso gaixoak eta lege bereziak ezartzeari uzteko”, gaineratu dute.
“Sufrimenduarekin amaitzeko, egoera normaltzeko eta elkarbizitza” lortzeko itxaropena dutela adierazi dute antolatzaileek.
Saretik zehaztu dutenez, hainbat gizarte eragilek eta ideologia diferenteetako lagunek adierazi diote atxikimendua arratsaldeko hitzorduari. “Gizarte zibilari egin diogu deia da”, erantsi dute.
Mobilizazioarekin bat egin dutenei, zein militanteei bertaratzeko askatasuna eman dien alderdiei, eskerrak eman dizkiete antolatzaileek. “Gainerako guztiei errespetua adierazi nahi diegu”, esan dute. Manifestazioan izango direnei eta ez direnei, guztiei, “mugitzeko eta bidean dauden oztopoak kentzen laguntzeko” eskatu diete, “elkarbizitza eta benetako bake iraunkorra lortzeko”.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.