Otegi martxoaren 1ean geratuko da aske
Auzitegi Nazionalak martxoaren 1era aurreratu du Arnaldo Otegi Batasunako bozeramaile ohiaren kartzelatik irteteko data; izan ere, 2009ko urrian Bateragune operazioan atxilotu zutenetik epaitegian egindako agertzeak zenbatu ditu. Auzitegi Nazionalak ia bi urte geroago ezarri zion kartzela-zigorra, legez kanpo zegoen alderdia berreraikitzen ahalegindu izanagatik.
Hori dela eta, Auzitegi Nazionalak aurreratu egin dio Otegiri kartzelatik irteteko data; martxoaren 28an aske geratzea zegoen arreikusita.
Jose Luis Castro epaileak Otegiren defentsaren eskaera onartu du, eta Auzitegiak deskontatzeko egunen kalkulua egin du, erabakia hartu aurretik.
Lehen data, apirilaren 8an; gerora, martxoaren 28an, eta orain 1ean
Hasiera batean, Otegi apirilaren 8an irten behar zen kartzelatik, baina azaroan, likidazio berri baten ondorioz, Auzitegi Nazionalak erabaki zuen hamaika egun aurretik irtengo zela, eta martxoaren 28rako ezarri zuen data.
2011ko irailaren 16an, Auzitegi Nazionalak 10 urteko kartzela-zigorra ezarri zion Otegiri, ETAko kidea agintari-mailan izatea egotzita, legez kanpo zegoen Batasuna Bateragune taldearen bidez berreraikitzen saiatu izanagatik.
2012ko maiatzean, Auzitegi Gorenak murriztu zion zigorra, sei urte eta erdira; izan ere, ondorioztatu zuten ez zuela ETAn agintzeko ahalmenik, eta, hortaz, ezin zutela jo ETAko zuzendaritzat.
Urtarrilaren 18an, Auzitegi Nazionalak Otegiren helegite bat arbuiatu zuen, alegia, kargu publikoren bat izateko gaitasungabetzearen aurkako helegitea. Defentsak zioen Bateraguneren epaiak ez zuela zehazten zein lan, kargu edo ohorerako gaitasungabetzea zen.
Otegik erantzun zuen zigorra 2014ko irailaren 4an sartu zela indarrean; izan ere, egun horretan geratu zen bertan behera gaitasungabetzeko beste zigor bat, terrorismoa goratu izanagatik ezarritakoa, alegia. Bateraguneren kondenaren likidazioa 2013ko urtarrilaren 24an onartu zuten, eta bertan ez zen oposiziorik izan; hortaz, sendotasuna bereganatu zuen kondenak.
Zure interesekoa izan daiteke
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.