Currin: 'Rajoyk huts egin die euskal zein Espainiako herritarrei'
Nazioarteko hainbat hizlari bildu dira gaur Gernikako Lizeo antzokian, ETAren armagabetzearen oinarriak finkatzen saiatzeko. Bake Bidea, Uharan eta Gernika-Lumoko Batzordea elkarteek antolatu dute, eta nazioarteko hainbat hizlari bilduko dituzte Lizeo antzokian. Bi arretagune nagusi izan dituzte ekitaldiek: ETAren armagabetzeari buruzko baldintzak, batetik, eta Kolonbiako bake negoziazioak, bestetik.
Orotara, 220 lagun elkartu dira Gernikan. Brian Currin eta Alberto Spektorowsky Harremanetareko Nazioarteko Taldeko kideekin batera, EAJ, Ahal Dugu, EH Bildu, LAB, STEE-EILAS eta CCOO eta beste hainbat gizarte eragile parte hartzen ari dira Foro Sozialean. Gainera, bertan dira Euskadiko Gazteriaren Kontseiluko eta beste hainbat eragiletako kideak, horietako asko lankidetza arloan dihardutenak.
Brian Currin GIC Nazioarteko Harreman Taldeko kide eta abokatu hegoafrikarrak adierazi duenez, PPren Gobernuak ez du parte hartu bake-prozesuan eta, horren ildoan nabarmendu du Mariano Rajoyk “euskal gizarteari eta espainiarrari huts egin diela”.
Gatazkari konponbidea emateko biderik errazena “Madrilen gobernu berria” izatea dela esan du Currinek, gatazkaren konponbidea lehentasun moduan izango lukeen Gobernua, hain justu.
“Indarkeria garai honi behin betiko azkena eman nahi dion aldaketa gobernu bat baldin badago, gauzak apur bat azkarrago joango dira. Alderdiekin hitz egin dugu, eta badakigu batzuek irtenbide azkarra nahi dutela”, esan du.
Dena dela, PPk Gobernuak jarraitzen badu, “agerlekurik txarrena” izango zela nabarmendu du eta orduan, “gizarte zibilari dagokio aurrea hartzea armagabetzeari bultzada emateko”.
Armagabetzea
ETAk armak entregatzea “prozesuan une garrantzitsua” eta “derrigorrezko baldintza” dela adierazi du, beste gatazka batzuetan gertatu den bezala, Ipar Irlandan kasu.
Currinen esanetan, armen suntsipena “ez da amore ematea, keinu sinbolikoa baino”. Horrekin lotuta, armagabetzea “modu ordenatuan” egin behar dela, eta horretarako testuinguru egokia behar dela gaineratu du, “bertan parte hartuko dutenek ziurtasuna izan behar dute ez direla euren bila joango parte hartu izanagatik”.
Eusko Jaurlaritzak bake-prozesuan “modu eraikitzailean” parte hartzea defenditu du, eta “euskal gizarteko eragileek modu aktiboan esku hartzea” azpimarratu du.
Biktimak
Bi aldeetako biktimen arteko topaketak “beharrezkoak” direla esan du, “gertatutakoaren kontakizun hitzartua egiteko eta kaltetuek eragindako minaren aitortza ikusi eta zauriak senda ditzaten”.
Euskal Elizarekin harremanik ote duen galdetuta, “kontakturik ez” duela gaineratu du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.