PSOEk maiatzaren 8an aukeratuko du idazkari nagusia
PSOEren zuzendaritzak 39. ohiko Kongresua maiatzaren 21eko asteburura aurreratu du, hainbat lurralde federaziok egindako presioa tarteko. Hasiera batean, PSOEren zuzendaritzaren asmoa ohiko batzarra ekainaren 17an, 18an eta 19an egitea eta idazkari nagusia aukeratzeko barne hauteskundeak maiatzaren 29an egitea zen.
Halaber, idazkaria nagusia aukeratzeko barne hauteskundeak maiatzaren 8an izango dira.
PSOEren lurralde buruzagiek eta zuzendaritzak atzo izandako bileran, Kongresua ekainaren 17an, 18an eta 19an egitea proposatu zuen zuzendaritzak, baina Andaluziako, Valentziako, Asturiasko eta Aragoiko kideak batzarra maiatzera aurreratzearen alde agertu ziren.
Gaurko Batzorde Federala hasi aurretik, zuzendaritzak bilera egin du eta Kongresua maiatzean egitea proposatzea adostu du. Gaurko Batzorde Federalak izango du azken hitza.
Balizko itunen azterketa
PSOEren Batzorde Federalak bilera egingo du gaur eta, Mariano Rajoy Espainiako gobernuko jarduneko presidenteak gobernua osatzea lortzen ez badu, Pedro Sanchez sozialistak gobernu progresista osatzeko ahalegina egitea babestuko du. Dena den, hainbat autonomia erkidegotako buruzagi sozialistak Podemosekin koalizioa egitearen kontra agertu dira.
Sozialisten organo gorenaren bilera 09:30ean hasi da Ferrazeko egoitzan. Felipe Gonzalez Espainiako gobernuko presidente ohi sozialistak eta alderdiko hainbat buruzagi historikok PPren eta Ciudadanosen arteko gobernua "erraztea" proposatu badute ere, PSOEren federazioek aukera hori baztertu egin dute.
PSOEko lurralde buruzagien esanetan, Sanchezek gobernu alternatibo bat osatzeko legitimitatea dauka baldin eta Espainiako erregeak eskari hori egiten badio. Dena den, ikusteke dago Podemosekin koalizio gobernua osatzea bideragarria izango litzatekeen ala ez. Proposamen hori egin du, hain zuzen ere, Pablo Iglesiasen alderdiak.
Autonomia erkidegotako buruzagi sozialista gehienak Podemosekin eta Ciudadanosekin aliantza egitearen alde agertu dira, hala, independentisten menpekotasunik ez izateko.
Batzorde Federalak ez du itunen inguruko ebazpenik onartzeko asmorik, abenduaren 28an onartutako bide orria oraindik indarrean dagoela sinetsita.
Rajoyren inbestidura baztertzeaz gain, gobernu progresista osatzeko baimena ematen zion aipaturiko ebazpenak Sanchezi, beti ere, alderdi horiek Espainiaren batasuna babestu eta autodeterminazioari buruzko erreferenduma egiteari uko egiten badiote.
Iglesiasekin 'nekatuta', errespetua eskatu dio Susana Diazek Podemosi
Susana Diaz Andaluziako presidenteak adierazi duenez, "nekatuta" dago Pablo Iglesias Podemoseko buruak behin eta berriz militante eta buruzagi sozialistei errespetua galtzen dielako, eta, PSOErekin hitz egin nahi badu, jarrera aldatzeko eskatu dio.
PSOEren Batzorde Federala hasi baino lehen, hedabideen aurrean hitz egin du Susana Diazek. Argazkia: EFE
"Nekatuta nago Iglesias jauna PSOEko militanteen eta buruzagien kontra hizketan entzuteaz; errespetu falta bat da eta ez dakit nork eman dion eskubidea militante sozialistek pentsatzen dutena esateko", azaldu du Susana Diazek. Halaber, Rajoyrekin edota PPrekin gobernu akordioa adostearen kontra agertu da.
PSOEren Batzorde Federala hasi baino lehenago egin ditu adierazpen horiek Susana Diazek. Gaurko hitzorduan, balizko gobernu progresista osatzeko negoziazioen baldintzak eta 39. kongresu federala egiteko data izango dituzte hizpide sozialistek. Azken gai horren inguruan ez du iritzirik eman nahi izan Susana Diazek: "Erakundeko idazkarien kontua da hori".
Zure interesekoa izan daiteke
Parte-hartzea aurreko bozetan baino altuagoa izan da eguerdirako Pirinio Atlantikoetan, baina lehen itzulian baino txikiagoa
Gaurkoan, parte-hartzea % 23,95ekoa izan da 12:00etarako, baina % 26,74koa izan zen lehen itzulian; duela sei urte, berriz, % 19,85ekoa izan zen. Ipar Euskal Herriko 11 herritan egiten ari dira udal hauteskundeak gaur.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.