Jarrera 'baztertzailea' aldatzeko eskatu dio Sanchezek Iglesiasi
Gobernua osatzen saiatzeko, alderdi politiko guztiekin hitz egiten jarraituko duela iragarri du gaur Pedro Sanchez PSOEko idazkari nagusiak. Hautagai sozialistak Ciudadanosekin negoziatzen jarraitzen baldin badu elkarrizketari uko egingo diola esan du Pablo Iglesias Podemoseko buruzagiak gaur. Jarrera ?baztertzailea? aldatzeko eskatu dio Sanchezek Iglesiasi.
Sanchez Pablo Iglesiasekin bildu da gaur, erregeak inbestidura saiora aurkezteko enkargua eman eta gero. Agintari sozialista bilera-sorta egiten ari da gainerako alderdi politikoekin.
Buruzagi sozialistaren ahotan, Podemosek ez du Espainiak bizi duen garai politiko berria ulertu eta Ciudadanosekin elkarrizketak bertan behera uztea baztertu du. ?Negoziazio anitz eta irekiarekin jarraituko du PSOEk, Gobernu erreformista bat lortzeko?, argi utzi du Sanchezek.
Horregatik, jarrera aldatzeko eskatu dio Pablo Iglesiasi eta negoziazioarekin aurrera egiteko ?ateak zabalik? jarraituko duela agindu du.
Podemosek bat egin du inbestidura saioa lehenbailehen egiteko eskaerarekin
Bestalde, Podemosen buruak esan du ez dela inora joango PPrekin, baina bat egiten duela 'popularrekin' inbestidura saioa lehenbailehen egiteko eskaerarekin.
Iglesiasek horixe adierazi du PSOEren idazkari nagusiarekin ordu eta erdiz bildu ostean emandako prentsaurrekoan. Iglesiasek eskatu dio inbestidurarako epea ahalik eta laburrena izateko.
Podemosen ordezkariaren arabera, ez da epea luzatu behar, "espainiarrek ez dezaten denbora gehiagoz pairatu Rajoy".
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".