EAJ, Pedro Sanchezen inbestidura babesteko prest
Andoni Ortuzar EAJren EBBko presidentea Pedro Sanchez Espainiako presidentegaiaren inbestidura babesteko prest agertu da.
Pedro Sanchez PSOEren idazkari nagusiak Andoni Ortuzar eta Aitor Esteban jeltzaleak hartu ditu gaur, gobernua osatzeko asmoz abiatu duen bilera sortaren harira. Gaurko bilerarekin, PSOEk amaitutzat eman du lehendabiziko bilera erronda.
Bileraren ondotik, kazetarien aurrean hitz egin du Ortuzarrek. Haren esanetan, EAJ alderdi "apala" da; izan ere, seina diputatu eta senatari izanda, "ez diogu inbestidura saioa konponduko" Sanchezi.
Ortuzarrek azpimarratu duenez, EAJk hainbatetan itunak egin izan ditu Espainiako Diputatuen Kongresuan eta Eusko Legebiltzarrean. Espainiako Gobernu berriaren harira, ez du zehaztu zein aukera duen nahiago.
"Ezin diot betorik eskatu PSOEri, politikak bai ordea", gaineratu du.
Datorren astelehenean proposamenak jasotzen dituen agiria aurkeztuko die Sanchezek jeltzaleei, gainerako alderdiei bezala. Ortuzarren esanetan, EAJko zuzendaritzaren asteleheneko bileran aipaturiko dokumentua aztertuko dute eta "euskal agenda" jasotzen duen "gidoi moduko bat" gaineratuko diote. Aipaturiko agendak gai hauek bilduko ditu, besteak beste: Euskadirentzako estatus juridiko-politiko berria, indarkeriak eragindako zauriak gainditzea eta krisitik irteteko erreformak eta babes sozialak
"EAJren inplikazio maila euskal agenda horrekiko adostasun mailaren araberakoa izango da", gaineratu du.
EAJ alderdi nazionalista dela azpimarratu ondoren, alderdiak erabakitzeko eskubidean eta euskal nazioan sinisten duela adierazi du. Dena den, inbestidura saiorako itun bat negoziatzen ari direla nabarmendu du.
Espainiako hauteskunde orokorrak errepikatzeko aukeraz galdetuta, kontra agertu da: "Ez litzaiguke gustatuko hauteskundeak errepikatzea eta, gainera, ez litzateke aldaketa handiegirik izango bi bloke handien artean".
Bestalde, Sanchezek inbestidurarako babesa lortzen eta lau urterako Gobernua osatzen ahalegindu behar duela esan du Ortuzarrek. Halaber, Sanchez ausardiaz eta gogotsu ikusi duela azpimarratu du.
Kongresuan 11:00etan hasi dute bilera ordezkari jeltzaleek eta Pedro Sanchezek. Buruzagi sozialista ostegunean hasi zen ordezkari politikoekin batzarrak egiten, eta ordutik Ciudadanos, Podemos, IU, Compromis eta Coalicion Canaria eta Nueva Canarias alderdiekin elkartu da.
Hain zuzen, Ciudadanos eta Podemos alderdiekin egin nahi du Gobernua Sanchezek, baina egonkortasuna emango dioten beste alderdi batzuen babesa nahi du buruzagi sozialistak.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".