Pujolek herentziaren bertsioari heldu dio berriz
Jordi Pujol Kataluniako presidente ohiak herentziaren bertsioari heldu dio berriz, Andorran duen dirutza justifikatzeko.
Pujol eta Marta Ferrusola emaztea Auzitegi Nazionalean izan dira gaur, lehen aldiz, inputatu gisa deklaratzeko. Ostean, aske geratu dira, Ustelkeriaren aurkako Fiskaltzak ez baitu eskatu kautelazko neurririk.
Agintari ohia hiru ordu eta erdi izan da Jose de la Mata epailearen aurrean deklaratzen, eta alde guztien galderei erantzuten. Emazteak uko egin dio deklaratzeari.
Iturri juridikoek azaldu dutenez, Pujolek aitortu du bazekiela emazteak kontu korronteak zituela Andorran, baina esan du ez dela inoiz harekin joan hara, eta ukatu egin du berak atzerrian konturik duela.
Oro har, Jordi Pujolek errepikatu egin du Bartzelonako epaitegian eman zuen bertsioa, hau da, ez duela zerikusirik seme zaharrenaren negozioekin, eta horrek Andorran zabaldutako kontu korronte baten jabe dela esan bazuen ere, hori semeari banantze prozesuan laguntzeko egin zuela argudiatu du.
Dirutza ezkutatzeko antolatuta
De la Matak senar-emazteak eta seme zaharrena abenduaren 30ean deitu zituen, Pujol-Ferrusola familiako kideek ?dirua garbitzeko irizpide argi batekin, urteetan zehar negozio ekonomikoak, interesak sortzeko, ezkutatzeko eta guztien artean banatzeko estrategia partekatua? izan dutela baieztatu ondoren.
Jordi Pujol Kataluniako presidente ohia eta Marta Ferrusola haren emaztea. Argazkia: EFE
Ondorioz, familia dirutza ezkutatzeko sare bat zela uste du magistratuak. ?Anai-arreben eta amaren artean baliabideak banatzeko Jordi Pujol Ferrusolari kudeatzaile izateko ardura emateko akordioa zegoen?, azaldu du epaileak.
Funtsak eskudirutan jasotzen zituzten askotan, atzerriko kontu korronteetan. Atzerriko kontuen existentzia ukatu dute behin eta berriro, eta ezkutatzen saiatu dira, De la Matak nabarmendu duenez.
Aitaren herentzia
2014ko uztailean Kataluniako presidente ohiak argitaratu zuen agiria senar-emazteak deklaratzera deitzeko arrazoi nagusia dela azaldu du magistratuak. Andorrako dirutza Florenci Pujol aitaren herentzia zela ziurtatu zuen presidente ohiak agirian. Bertsio hori ?kontakizun hutsa? dela adierazi du epaileak.
De la Matak gogorarazi duenez, Andorrako kontuetako batean, Banca Reigeko 63810 kontuan, hain zuzen ere, diruaren benetako jabea bere aita dela azaltzen du Jordi Pujol Ferrusolak agiri batean. Kontua seme zaharrenak zabaldu zuen 2000n, 307.000.000 pezetako diru-sarrera batekin; 2010eko abenduan kontua hustu zuten 1,14 milioi euro ateraz.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.