Ciudadanosekin 'akordioak' laster lortzea espero du PSOEk
Pedro Sanchez idazkari nagusi sozialistaren inbestidurari begira, datozen egunetan Ciudadanosekin akordioak lortzea espero du PSOEk, elkarrizketan “aurrerapausoak” eman dituztelako, Ferrazeko iturriek jakitera eman dutenez.
Hala, bi alderdietako negoziazio taldeak berriro bilduko dira gaur, azken egunetako bileretan egindako lana partekatzeko.
Albert Riveraren alderdiak “aurrerapauso” horiek baieztatu ditu, baina ez du inbestiduraz hitz egin. Sanchezek eta Riverak aurreneko bilera egin ondoren, bi alderdietako negoziazio taldeek “denbora oso ondo aprobetxatu” eta “gogor lan” egin dutela ziurtatu zuen atzo Juan Carlos Girauta Ciudadanoseko bozeramaileak.
Sozialisten idazkari nagusiak Rivera goraipatu zuen. ERCko eta DLko bozeramaileekin bildu ondoren, Ciudadanosen eta Riveraren “jarrera” eskertu zuen Sanchezek prentsaurrekoan.
“Negoziatzeko, Espainiak bizi duen egoera politikoa konpontzen saiatzeko eta gobernu bat osatzeko borondatea eskertu behar diot Riverari, espainiarrek hori nahi eta behar dutelako”, adierazi zuen.
Era berean, Sanchezek IU-Unidad Popular, Compromis, EAJ, Nueva Canaria eta Coalicion Canariari eskerrak eman zizkien, orain arte agertutako “jarreragatik”. Iturri sozialistek azaldu dutenez, “aurrera egiten jarraitu eta guztiekin akordioak” lortzea espero dute.
Akordio bat sinatzeko bada bilduko da soilik Iglesiasekin
Bestalde, Pablo Iglesias Podemoseko buruzagiarekin biltzeko prest dagoela ziurtatu zuen atzo PSOEko idazkari nagusiak, baina soilik “akordio bat sinatzeko” bada egingo duela ohartarazi zuen. Horretarako, “prentsaurrekoen bitartez negoziatu” ordez, hitz egiteko eskatu zion Sanchezek Iglesiasi.
Bi buruzagien arteko bilera bat, koalizio gobernua onartzea, Katalunian erreferenduma eta Ciudadanosekin itun bat lortzeari uko egitea baldintza bezala jarri zituen Iglesiasek PSOErekin negoziatzeko.
“Iglesiasekin batera argazki bat atera eta ikusi nahi dut? Poz-pozik egingo nuke, baina akordio bat sinatzeko biltzea gustatuko litzaidake, eta horretarako lehenengo negoziatu eta lan egin behar dugu. Argazkiak amaieran”, esan zuen Sanchezek prentsaurrekoan, Kongresuan.
Podemosen agiria aztertzeko agindua eman dio Sanchezek negoziazio batzorde sozialistari. “Proposamena orraztuta egun batzuk barru” Podemosi berriro itzuliko diotela azaldu zuen PSOEko buruzagiak, “Iglesiasen alderdiak bai ala ez erabakitzeko”.
erabakitzeko”. erabakitzeko”.Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.