Legebiltzarrak ez du Gasteizko jazoeren ahobatezko gaitzespenik adostu
Eusko Legebiltzarra osatzen duten alderdiek ez dute lortu ostiral honetan adierazpen instituzional bat adostea, ostegunean Arabako EHUren campusean eta Gasteiz hirigunean izandako istiluak gaitzeste aldera. Gertakari horiek Ikasle Abertzaleak sindikatuak LOMCEren aurka deitutako grebaren zehar jazo ziren. PSE-EE alderdiak idatzi bat proposatu du, baina EH Bilduk ez dio babesa eman, uste baitu ikasle mugimendua "kriminalizatzen" dela.
EAJ, PSE-EE, PP eta UPyD alderdiek baiezkoa eman diote sozialisten proposamenari. Horren aurrean, EH Bilduk beste testu bat proposatu du, zeinetan istiluak arbuiatzeaz gain, gertakari horiek ezin dutela "aldarrikapenen zilegitasuna ezkutatu, ezta deialdiak jasotako babes handia ere", gaineratu du.
Ikasle Kontseiluaren eta UPV/EHUren gaitzespena
UPV/EHUko Ikasleen Kontseiluak gaitzetsi egin ditu atzo Gasteizen izandako "jazoera biolentoak".
Ohar baten bitartez, UPV/EHUko ikasleen ordezkaritzako organo nagusiak ikasleen protestetan zehar ikasleen eta poliziaren artean izandako istiluekin bat ez datorrela adierazi du. Istilu horien eraginez, hainbat atxilotu egon ziren. Atxilotutakoak aske geratu dira, epailearen aurretik igaro ostean.
Gaitzespen hori Euskal Herriko Unibertsitateak berak egindakoari batu behar zaio. Unibertsitateak ateratako oharrean hauxe irakur zitekeen: "Argi eta garbi gaitzetsi nahi dugu campusean erabilitako bortxakeria. Pertsona guztiek eta talde guztiek dute bidezko eskubidea egoki jotzen dituzten aldarrikapenak jendaurrera zabaltzeko. Aitzitik, ezin da pertsonen aurkako larderia erabili, ezta ondasun publikoei kalteak eragin ere".
Gasteizko Udalaren adierazpena
Gasteizko Udalak ere gertakariak arbuiatu zituen atzo arratsaldean. PP, EAJ-PNV, PSE-EE, Podemos eta Irabazi Gasteiz Udal alderdi politikoek adierazpen adostu zuten.
Adierazpen horrek EH Bilduren babesa eskuratu, eta bere adierazpen propioa plazaratu zuen. Bertan, Gasteizen jazo diren gertaerak arbuiatzen zituen. Horrez gain, honako hau gaineratu zuen: ?gertakari horiek ezin dute gaurkoa bezalako egun batek dituen aldarrikapenak bigarren maila batean utzi, kalera atera diren milaka ikasleen konpromisoa laboratuz?. Azkenik, ?herritarren salaketek mahaigaineratu dituzten gehiegikeriak lehenbailehen argitzea? exijitu zuen.
Atxilotuen aldeko elkarretaratzea
Arratsaldez, ehunka gaztek Andra Maria Zuriaren plazan elkarretaratzea egin zuten goizean atxilotu zituzten pertsonak aske gera zitezela eskatzeko.
Elkarretaratzean zehar, ikasleen protestan izandako jazoera bortitzen kritiken aurrean bozeramaile batek adierazi zuen ?benetako biolentzia? ikasleek jasaten dutena dela, hezkuntza-sistema inposatzeagatik, baita langileek pairatzen duten ?ezegonkortasuna? ere.
Ertzaintzak bildutako objektuak
Istiluetan erabilitako objektuak zer-nolakoak izan ziren azaldu zuen Ertzaintzak atzo argazki bidez.
Ertzaintzak azaldutako argazkia.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.