12 milioi euro aurreikusi ditu Jaurlaritzak polizia-biktimentzat
Jonan Fernandez Eusko Jaurlaritzaren Bake eta Bizikidetza idazkari nagusiak iragarri duenez, Gasteizko Gobernuak 12 milioi euro aurreikusi ditu, datozen lau urteotan, "legez kontrako errepresioaren" biktimei kalte-ordain moduan emateko. Hain zuzen, lege-proiektuak 1978 eta 1999 bitartean izandako "legez kontrako errepresio jardueren ondorioz giza eskubideen urraketak jasan dituzten biktimak" aitortzea du helburu. Fernandezen arabera, 315 eta 447 lirateke, aipatutako urteetan, indarkeria mota hori jasan zutenak.
Asteartean onartu zuen lege-egitasmoa Gasteizko Gobernuak, eta gaur eman ditu xehetasunak, hedabideen aurrean, Bake eta Bizikidetza idazkariak. Horren hitzetan, beharrezkoa da "legez kontrako errepresioa" pairatu dutenen sufrimendua aitortzea. Kasu asko daude epaitu gabe edo argitu gabe; Lasa eta Zabala, Gladys del Estal, Yolanda Gonzalez edota Mikel Zabalza aipatu ditu, besteak beste. Ez dute orain artean aitortza ofizialik izan eta hutsune hori betetzera dator, Eusko Legebiltzarrean onartuz gero, lege bihurtuko litzatekeen proiektu hau.
Fernandezek esan duenez, aspalditik ari da gai hau lantzen Eusko Jaurlaritza. Legebiltzarreko talde guztiek, iazko abendutik, zirriborroa jasota dutela jakinarazi du, behar bezala aztertu eta ekarpenak egiteko. Legealdia amaitu aurretik legea onartuta egotea espero du.
Bederatzi kidez osatutako balorazio-batzordea eratu da, kasu bakoitza aztertu eta dagokion erabakia hartzeko: giza-eskubideetan adituak izango dira sei, Jaurlaritzak izendatutakoak, eta hiru peritu-forentse, Auzitegi Medikuntzako Euskal Institutuko kideak.
Esan bezala, 12 miloi euroko aurrekontua aurreikusi da, lau urtetan, biktima horientzat: hildako kasuetan 135.000 euro jaso ahal izango du familiak, eta elbarritasun handien kasuetan, 390.000 euro. Batzordeak erabakiko du zeini dagokion kalte-ordaina.
Errepresio ekintza EAEtik kanpo gertatuta ere, biktima EAEn erroldatua egotea da legearen babespean egoteko baldintzetako bat .
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.