Eurovisionek ikurrina debekatu du eta EIko banderaren parean jarri
Eurovision Festibala maiatzaren 14an egingo dute aurten, Stockholmen (Suedia); bertan egongo diren ikusleek ezin izango dute ikurrina eraman, EH Bilduk Twitterren salatu duenez.
Festibalaren antolatzaileek egin dute zerrenda bat non zehazten dituzten zein bandera diren "bereziki ez onartuak"; zerrenda horretan ikurrina dago, bai eta Estatu Islamikoaren bandera ere.
Guztira, bederatzi bandera dira espresuki "ez onartuak”; Palestinakoa, Krimeakoa eta Kosovokoa ere, adibidez, debekatuta daude.
Antolatzaileek azaltzen dute ezin izango dela erakutsi “toki-, eskualde- edo probintzia-banderarik”. Hala ere, beste batzuk, Kataluniakoa edo Galiziakoa kasu, ez daude beto berezia dutenen artean.
EH Bilduk salatu du ikurriñaren "kriminalizazioa" eta aurreratu du "premiazko bilera" eskatuko diola Suediako enbaxadoreari.
Suediari ikurrina zer den azaltzeko eskatu dio EAJk Bruselari
Izaskun Bilbao EAJko bozeramaileak Tibor Navracsics Kultura komisarioari gutun bat bidali dio goizean, EAEko bandera ofizialaren berri emateko.
Jaialdiko antolatzaileei ikurrina zer den azaltzeko eskatu dio Bilbaok Navracsicsi. Jeltzaleren ahotan, ikurrinari egiten ari zaion “boikota Suediaren historia demokratikoarekin zerikusirik ez du, Europaren aurkakoa delako eta euskal herritarrak iraintzen dituelako”.
Gutun bera Suediako enbaxadoreari eta 20 eurodiputatuei bidali die EAJko ordezkariak.
Eurovisionen erabakia “Europar Batasuneko balioen eta leloaren (‘Aniztsunean baturik’) aurka” doala uste du EAJko eurodiputatuak. Kultura komisarioak eta Suediako eurodiputatuek “erabaki desatsegina” konpontzen laguntzea espero du Bilbaok.
EAEko bandera “legala” dela gogorarazi dio ordezkari jeltzaleak Tibor Navracsicsi gutunean. Gainera, ikurrinak “Europako herririk zaharrenetako bat” ordezkatzen duela goraipatu du Bilbaok.
Bestalde, Eusko Jaurlaritzak ikurrina debekatutako banderen zerrendatik kentzeko eskatuko duela iragarri du Iñigo Urkullu lehendakariak Twitter sare sozialean:
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.