Ustezko torturak ez ikertzeagatik berriz zigortu dute Espainia
Xabier Beortegi iruindarrak salatutako ustezko torturak ez ikertzeagatik Espainia zigortu du Europako Giza Eskubideen Auzitegiak, astearte honetan ezagutarazi duen epaiaren arabera. Espainiako Gobernuak 23.500 euroko kalte-ordaina pagatu beharko dio gazteari.
Antzeko beste kasu batzuekin gertatu den bezala, Auzitegiak aho batez hartu du erabakia. Epaileen ustez, Giza Eskubideen Europako Ituna urratu zuen Espainiak ustezko tortura kasu hau ez ikertzea erabakita.
Xabier Beortegi Martinez Guardia Zibilak atxilotu zuen 2011ko urtarrilean, Ekinekin lotura zuelakoan. Inkomunikazioan zehar torturak salatu zituen atxilotuak. Grande Marlaska epaileak aske utzi zuen gero.
Torturari Aurrea Hartzeko Batzordeak Europar Batzordeari egindako neurri sortak bere egiteko dei egin dio Auzitegiak Espainiari. Horrez gain, tratu txarrak saiheste aldera, atxilotutakoak "zaintzeko ardura duten funtzionarioei jokabide kode argi bat" jakinarazi behar zaiela uste dute epaileek.
Auzitegiak ezarritako zigorra horrela banatzen da: 20.000 euro kalte moralengatik, eta 3.500, gastuengatik eta ordainsariengatik.
Iruñeko epaitegi batean salatu zituen torturak Beortegik
Estrasburgoko auzitegiaren esanetan, ez du gazteak pairatu omen zituen tratu txarrak ikertzeko "nahikoa elementu", baina "zantzu arrazoizkoak daude torturatua izan zela pentsatzeko. Estatuari dagokio ikerketa inpartzial eta berehalako bat abiatzea", ageri da epaian.
Beortegik bere salaketan jaso zuenez, Iruñetik Madrilerako bidean buruan, barrabiletan eta saihetsetan kolpatu zuten Guardia Zibileko lau agenteek. Madrilgo kuartelean, bera itotzen saiatu ziren, eta mehatxu ugari egin zizkioten, besteak beste, "gorputzean elektrodoak" jarriko zizkiotela eta "ipurtzulotik makil bat sartuko" ziotela.
Ustezko torturak Iruñeko epaitegi batean salatu zituen gazteak, baina auzia artxibatu zuten epaileek. Helegitea aztertu zuen Nafarroako Lurralde Auzitegiak "ikerketa sakon bat" egin behar zela iritzi zion, baina ez zuen probarik aurkezteko aukerarik eman. Beortegik epai honi jarritako babes-errekurtsoa baztertu zuen azkenean Auzitegi Konstituzionalak.
Beortegiren salaketarekin, jadanik hainbat tortura salaketa onartu ditu Europako Giza Eskubideen Auzitegiak, honakoenak: Jon Patxi Arratibel (2015), Beatriz Exeberria eta Oihan Unai Ataun (2014), Martxelo Otamendi (2012), Aritz Beristain (2011) eta Mikel San Argimiro (2010). Kasu guztietan tortura salaketak nahiko ikertu ez dituztela ebatzi du epaitegiak.
Sortuk "erantzukizuna bere gain hartzea" eskatu dio Espainiari
Espainiako Estatuari "erantzukizuna bere gain hartzea" eskatu dio Sortuk "torturari dagokionean" eta tratu txarrekin lortutako autoerruztatzeak bertan behera uztea eskatu du.
Formazio abertzalearen arabera, sententziak argi uzten du tortura "sistematikoki independentisten aurka" erabili dutela eta ez zirela isolatutako kasuak izan. "Indarra erabiltzea erabaki zuten funtzionarien erantzukizuna" azpimarratu dute. Sorturen arabera, azken 50 urteotan 10.000 tortura kasu dokumentatu dituzte eta milaka oraindik ez dira argitu.
"Elkarbizitza benetako helburua bada, egia ezagutu behar dugu. Zer gertatu zen, nork torturatu zuen nor, non dauden erantzukizunak. Guzti hau ezagutu behar da", azaldu dute.
", azaldu dute.Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.