'Arrazoi politikoengatik' ikertu ote zuten jakin nahi du Forcadellek
Poliziak bera eta familia “arrazoi politikoengatik bakarrik” jarraitu ote zituen argitzeko eskatu die gaur Carme Forcadell Kataluniako Parlamentuko presidenteak Jorge Fernandez Diaz Barne ministroari eta Mariano Rajoy Gobernuko presidenteari.
Daniel de Alfonso Iruzurraren aurkako Kataluniako Bulegoaren zuzendariak Parlamentuan agerraldia egin baino lehen, Forcadellek prentsaurrekoa eman du; izan ere, Ser irratiak jakinarazi duenez, Barne Ministerioak mugimendu independentistak kriminalizatzeko, txostenak egiteko erabili zuen Polizia.
Konkretuki, irratiaren arabera, 2013ko amaieran, Kataluniako Asanblea Nazionaleko (ANC) presidentea zenean, Poliziak Forcadell, haren senarra, bi seme-alabak eta bi anai-arrebak jarraitu zituen, txosten bat egiteko.
“Kasu oso larria”
Forcadellen hitzetan, “txostenak benetakoak” direla baieztatzen baldin bada, “kasu oso larria” izango litzateke, “demokraziaren, askatasun demokratikoen eta zuzenbide-estatuaren aurkako erasoa”. Fernandez Diazek eta Rajoyk “dimisioa eman beharko lukete”, erantsi duenez.
Hasteko, Forcadellek “azalpenak” eskatu dizkie biei. “Estatuko segurtasun indarrak pertsonak eta haien familiak arrazoi politikoengatik bakarrik jarraitzen” ote zituzten argitzeko eskatu die.
“Bihar, nor izango da?"
“Txosten horiek existitzen diren, nork eskatu zituen, nork egin zituen eta erantzukizunak onartuko dituzten jakin nahi dut”, adierazi du. “Ikertua” izan dela badakiela gaineratu du Forcadellek. “Atzo batzuk izan ginen; gaur, beste batzuk; bihar, nor izango da?”, salatu du.
“Intimitate eskubidea bermatu behar dutenek urratzen baldin badute, nola fidatu daitezke herritarrak”, galdetu du Forcadellek.
du Forcadellek. du Forcadellek.Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.