Rajoy EAJko ordezkariarekin bilduko da gaur
Mariano Rajoy jardunean dagoen Espainiako presidenteak Aitor Esteban EAJk Kongresuan duen eledunarekin bilduko da gaur, Gobernu berria osatzeko bilera errondaren baitan. 10:30ean dute hitzordua bi agintariok, Moncloa Jauregian, Espainiako Gobernuak baieztatu duenez.
Asteon, Rajoyk egingo duen bigarren bilera izango da. Atzo, Fernando Clavijo Kanarietako Gobernuko presidentearekin eta Jose Miguel Barragan Coalicion Canariako idazkari nagusiarekin bildu zen jarduneko presidentea.
Estebanek herenegun SER irrati katean aurreratu zuenez, Rajoy telefonoz jarri zen harremanetan jeltzaleekin, hitzordua zehazteko.
EAJko diputatuaren arabera, negoziazio horiek EAJk bideratuko ditu, eta ez Iñigo Urkullu lehendakariak.
'Marra gorririk' ez
Andoni Ortuzar EAJko presidentearen esanetan, jeltzaleek ez dute negoziazioetan "marra gorririk" ezarriko. PSOEri zuzendu zaio jeltzaleen burua, eta "ezkutaketan" jolasteari uzteko eskatu dio. "Beldurrik gabe" eta "arduraz", PPren beste gobernu bat ahalbidetuko duen erabakitzeko esan dio Ortuzarrek PSOEri.
Escorialgo udako ikastaroetan, Madrilen, egin ditu adierazpenok EAJko buruzagiak. Horren iritzian, jeltzaleen botoak ez dira erabakigarriak izango Espainiako Gobernua osatzeko; izan ere, PSOEk du giltza eta sozialisten esku dago Rajoyk presidente izaten jarraitzea edo ez.
Gaurko bilerara "entzutera" joango direla esan du, "beste helbururik gabe". Ortuzarren hitzetan, hauteskundeek utzitako emaitzen aurrean, PSOEk hartu behar du erabakia. "Ezinbestekoa da PSOEk zer egin behar duen berehala argitzea", esan du, eta bi aukera daudela: PPren Gobernu bat babestea edo hauteskundeak deitzea berriro, hirugarrenak. Ezkerreko alderdien arteko akordiorik ez duela aurreikusten adierazi du jeltzaleak.
PSOEk Espainiaren etorkizunaren "giltza" izatea patuaren ironiatzat jo du. "Horregatik, sozialistek arduraz eta beldurrik gabe hartu behar dute erabakia", gaineratu du.
Atzo Iñigo Urkullu lehendakariak esandakoen inguruan, Oturzarrek adierazi du euskal presoak hurbiltzea ez dela EAJk ezarriko duen marra gorria, baina onartu du jeltzaleen "euskal agendan" jasota dagoen gaietako bat dela.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.