'Herri proiektu bat' osatzeko lantaldea aurkeztu du Otegik
Arnaldo Otegi EH Bilduren lehendakarigaiak bere lantaldea aurkeztu du gaur Donostian. Hainbat arlotako adituekin batera arituko da ezker abertzaleko buruzagia lanean, "herri proiektu sendo bat" lantzeko. Herritarren beharrak entzun, diagnosia egin eta irailerako proposamen bat jarri dute mahai gainean.
Iñigo Iruin abokatua, Helena Franco ekonomialaria eta Gipuzkoako Aldundiko diputatu ohia edota David Fernandez CUPeko buruzagia daude, besteak beste, talde horretan. 'Guztion Herria Osatzeko' lelopean arituko den taldea "irekia" dela garbi utzi du Otegik. "Guztion Herria garatzeko asmoarekin, ikuspuntu eraikitzaile eta konpartitu batetik, eta gure herriaren egoeraren azterketa sakon bat egin ondoren, etorkizunari begira oinarrizko proposamen bat mahai gainean jartzea da helburua", esan du. Horretarako, aurrena herritarren beharrak entzungo dituztela iragarri dute, "diagnosia egin eta behar horietara egokitutako proposamena" egiteko.
Lantaldeko kide bakoitza bere alor profesionalean "erreferentea" dela esan du EH Bilduren lehendakarigaiak. "Jende zintzoa" eta "prestigio handikoa" dela nabarmendu du.
Taldekide bakoitzak "askatasunez eta lantalde propioarekin" lan egingo duela ziurtatu du. "Hau ez da egitura politiko bat. Aniztasun ideologikoa eta politikoa islatzen dute taldekideek", gaineratu du.
Otegiren hitzetan, "pertsonak, natura, askatasun demokratikoak eta nortasuna" izango dira lantaldearen ardatz nagusiak. "Alderdien interesen gainetik, herri hau eraikitzeko eskaintza politikoa" egitea da xedea.
Proposamena, irailerako
Otegik azaldu duenez, lantaldearen helburua “egungo egoera politikoaren analisiari buruzko” proposamen bat egitea da, irailean aurkezteko asmoa dutena.
Alde horretatik, “herri honek dituen arazoak hemen bertan konpondu” behar direla azpimarratu du Otegik, “hauteskunde kanpainetan eta alderdi politikoen artean sortzen diren liskarren gainetik”.
Halaber, herritarren benetako arazoei irtenbidea emango dien “herri proiektu sendoa” eraiki behar dela esan du Otegik. Helburu horrekin, bere esparruetan “onenak diren pertsonekin” lan egingo duela iragarri du.
Gainera, lantalde horrek egingo duen proposamena ez dela “hauteskunde programa” bat izango ziurtatu du Otegik. Bere esanetan, proposamen horren bidez eztabaida eraikitzailea sustatzeko aukera emango diete “gizarte taldeei, indar politiko desberdinei zein talde sindikalei”.
Horren inguruan, Otegik ondorengoa esan du: “EH Bilduk hauteskunde programa bat egingo du, baina hori ez dagokio lantalde honi”. Azaldu duenez, taldearen betebeharra esparru desberdinei buruzko “diagnostikoa” egitea izango da. Besteak beste, herrialdearen esparru ekonomikoa, ekologikoa eta berdintasun generoa aztertuko dituzte. “Pertsonak, natura, askatasun demokratikoak eta nortasun kulturala izango dira lanaren ardatzak”, gaineratu du Otegik.
Proposamena garatuko duen lantaldea ondorengo kide hauek osatzen dute: Iñigo Iruin abokatua, Esther Larrañaga Eusko Jaurlaritzako Ingurumen sailburu ohia, David Fernandez Kataluniako CUPeko buruzagi ohia, Helena Franco Ogasun diputatu ohia, Ohiana Etxebarrieta kazetaria, Iratxe Esnaola informatika-ingeniaria, Jose Mari Usatorre industria-ingeniaria eta Unai Pascual ekonomialari eta ingurumen aditua.
gurumen aditua. gurumen aditua.Zure interesekoa izan daiteke
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.