EiTBk Nafarroan emititu ahal izateko prozesua bukatu du foru gobernuak
Euskal Telebista Nafarroan LTD bidez ikusteko prozesu administratiboa bukatu du foru gobernuak, Maria Solana bozeramaileak gobernu bilkuraren ondotik eskaini duen prentsaurrekoan azaldu duenez. Hala, irailak 22tik aurrera, ostegunez, Nafarroa guztian ikusgai izango da berriro.
Prozesua bururatzeko Euskal Irrati Telebistak (EiTB) espektro erradioelektrikoa erabili ahal izateko foru agindu bana sinatu ditu Ana Ollo Nafarroako Herritarrekiko eta Erakundeekiko Harremanetako kontseilariak. Hori horrela, ETB2 ia Nafarroa guztian ikusi ahalko da tokiko multiplexen kanalen bidez, eta ETB1 multiplex autonomikoaren bidez ikus ahalko da.
Nafarroako eta EAEko gobernuek uztailaren 15ean izenpetu zuten EiTBren zerbitzuak Nafarroan zabalkunde digitala izan ahal izateko lankidetza-hitzarmena.
Kanalak berriro sintonizatuta, nahikoa
EiTBko teknikariek goizaldean egingo dituzte multiplexak taxutzeko lanak, eta litekeena da ikus-entzuleek ostegun goizetik bertatik ETB1, ETB2 eta ETB3 ikusi ahal izatea.
Seinaleak dagokien frekuentzietatik sartuko dira zuzenean, eta ez da antena egokitu beharko. Kanalak berriro sintonizatzearekin nahikoa izango da EiTB ikusi ahal izateko.
Berrantolamendua
Iraila hasieran iragarri zuen foru gobernuak tokiko lurreko telebista digitalaren askotariko multiplexen espazioan aldaketa egin behar zuela, EiTBri lekua utziz. Izan ere Vaughan Radio SL operadore autonomikoak lizentziari uko egin zion abuztuan, eta horrek telebista kanalen antolaketan aldaketak eragin zituen.
Horrenbestez, ETB 2 multiplex lokaletan ikusi ahal izango da ia Nafarroa osoan eta ETB 1, berriz, multiplex autonomikoaren bitartez.
Telebista kateen berrantolaketa aintzat hartuta, ETB 1 26. kanalean ikusi ahal izango da eta ETB 2 eta ETB 3, ostera, tokian-tokian kanal ezberdin batean izango da ikusgai:
Iruñeko mugapenean, 38. kanalean (ETB 2)
Tafallakoan, 31. kanalean (ETB2 eta ETB 3)
Lizarrakoan, 24. kanalean (ETB 2, ETB 3)
Zangozakoan, 45. kanalean (ETB 2, ETB3)
Tuterakoan, 39. kanalean (ETB 2, ETB3).
Kanal edo frekuentzia hauek jasotzeko arazorik izatekotan, antena-instalatzaileari edo finken administratzaileari galdetzea gomendatzen da.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.