PSOEko kritikoek dimisioa eman dute, Pedro Sanchez eraisteko
PSOEko Batzorde Federaleko 17 kidek dimisioa eman dute asteazken arratsaldean Ferrazen, organo hori desegiteko eta Pedro Sanchez eraisteko helburuz.
Antonio Pradas Politika Federaleko idazkariak aurkeztu ditu dimisioen sinadurak.
Larunbatean bozkatzekoa da Batzorde Federalean urriaren 23an barne hauteskundeak egiteko Sanchezek egindako proposamena.
PSOEren estatutuen arabera, Exekutibako kideen "erdiek baino gehiagok" dimisioa ematen badute, ezohiko bilera egin beharra dago beste zuzendaritza bat izendatzeko. Beste idazkari nagusi bat izendatu behar dela interpreta daiteke horrekin.
2014an, PSOEk 37 kideko Exekutiba bat izendatu zuen. Horietatik, hiru ez dira kide egun (tartean Pedro Zerolo zena). Horregatik, 17 kideren dimisioak Sanchez kargugabetzea ekar lezake.
Hauek dira dimisioa eman duten 17 pertsonak:
Andaluzia:
- Micaela Navarro (PSOEko presidentea)
- Antonio Pradas (Politika Federaleko idazkaria)
- María José Sánchez Rubio (Osasun idazkaria)
- Estefanía Martín Palop (Prestakuntza idazkaria)
- Noemi Cruz (Garapenerako Lankidetzako idazkaria)
- Francisco Pizarro (batzordekidea)
- Juan Pablo Durán (batzordekidea)
Gaztela-Mantxa:
- Emiliano García-Page (batzordekidea)
- Manuela Galiano (Herri Txikietarako idazkaria)
- Luz Rodríguez (Enplegu idazkaria)
Valentzia:
- Ximo Puig (Erreforma Demokratikoetarako idazkaria)
Madril:
- Tomás Gómez (batzordekidea)
- Eva Matarín (Immigrazio idazkaria)
Katalunia:
- Carme Chacón (Nazioarteko harremanetarako idazkaria)
Kanariak:
- José Miguel Pérez (Hezkuntza idazkaria)
Aragoi:
- Carlos Pérez Anadón (batzordekidea)
Extremadura:
- María Ascensión Murillo (batzordekidea)
Dimisioa eman duten PSOEko zuzendaritzako 17 kideak: Micaela Navarro, Ximo Puig, Carme Chacón, Antonio Pradas, Emiliano García-Page, Tomás Gómez; José Miguel Pérez, Juan Pablo Durán, Eva Matarín, Mariluz Rodríguez, Estefanía Martín, Ascensión Murillo, María José Sánchez Rubio, Manuela Galiano, Carlos Pérez, Francisco Pizarro eta Noemí Cruz.
ong>.Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.