PSOE, erabat hautsita
Primarioak eta berehalako kongresu bat deitu ala ez erabakitzeko bozketa galdu ostean, PSOEren orain arteko idazkari nagusiak dimisioa eman du.
Pedro Sanchezek galdu egin du primarioak eta berehalako kongresu bat deitzea erabakitzeko bozketa: 133 kontrako boz jasoditu eta 107 aldeko. PSOEko Batzorde Federala, azkenik, eskua altxatuta bozkatu du Pedro Sanchezek hala proposatuta. Bozketa gaurko Batzorde Federalean parte hartzen ari diren 253 kideei banaka dei eginda egin dute.
Aurretiaz, Batzorde Federaleko Mahaiak uko egin dio sektore kritikoak PSOEko idazkari nagusiaren aurka aurkeztutako 129 sinaduraz babestutako zentsura mozioa.
Botazioa, bertan behera
Hainbat orduko blokeoa eta gero, PSOEren Batzorde Federalak ezohiko kongresua egin ala ez bozkatzea erabaki du, boto sekretu bidez. Alabaina, azkenean bertan behera utzi dute sektore kritikoak botoa emateari uko egin diolako; izan ere, haien aburuz, bozketa Batzorde Federaleko Mahaiaren kontrolik gabe eta inpugna zitekeen erroldarik gabe zegoen martxan, eta "tranpati" eta "iruzur" oihuak entzuten hasi dira.
Horrez gain, kritikoak sinadurak biltzen hasi dira Batzorde Federaleko kideen artean, Pedro Sanchezen aurkako zentsura mozio bat aurkezteko asmoz, hark kargua utz dezan behartzeko.
Pedro Sanchezen eskaintza
PSOEren Batzorde Federala 14:00etan abiatu da, ia bost ordu eta zenbait etenaldiren ostean. Ordura arte, ez zuten ados jartzea lortzen zeri buruz hitz egin behar zuten adostu eta nork bozka zezakeen erabakitzek. Hori dela eta, bilera blokeatuta egon da.
Egoera hori ikusita, asteazkenean dimisioa eman zuten militanteei Exekutiba Federalera itzultzeko deia egin die Pedro Sanchezek bilkuran, astelehenean bilera egin eta datorren larunbatean (urriak 8) ados jartzeko asmoz Batzorde Federala antolatzeko. Kritikoek, ordea, ezetz esan dute, "jada idazkari nagusia ez denez, Sanchezek ezin duelako halakorik egin".
Bestalde, Susana Diaz Andaluziako presidenteak zera eskatu du: alderdiaz arduratuko den gestora bat izendatzea, Pedro Sanchez eta jarduneko zuzendaritzaren ordez. Ferrazek ezetz esan eta gero, Etika eta Bermeen Batzorde Federala bildu eta Batzorde Federalari txostena igorri arte itxarotea proposatu du.
Tentsio-giroa nagusi
PSOEren Batzorde Federalak gaur erabaki behar zuen alderdiaren etorkizuna. Bi aukera zeuden: batetik, Pedro Sanchezek agintean jarraitzea eta proposatutako barne-hauteskundeak eta kongresua antolatzea; edo bestetik, lider sozialistaren aurkarien proposamena onartuz gero, Sanchez baztertu eta beste talde kudeatzaile bat izendatuko litzateke, Batzar Federala egin arte. Azken urrats hori estatu espainiarreko gobernua osatu ondoren gauzatuko litzateke.
Pedro Sanchez kotxez iritsi da PSOEren egoitzara, eta ez du adierazpenik egin. Ferraz kaleko trafikoa eten egin dute sozialisten bilera dela eta. Ehun militante inguru bildu dira eraikinaren atarian, idazkari nagusia babesteko.
Alderdiaren talde gorenaren bileraren atarian, tentsioa izan da nagusi Sanchezen aldeko eta kontrako militanteen artean. Zuzendaritzako 17 kidek dimisioa eman zuten joan den asteazkenean, eta orduz gero, banaketa areagotu egin da.
Ostiral gauean iragarritakoaren arabera, Pedro Sanchez PSOEko idazkari nagusiak dimisioa emango luke, gaurko Batzorde Federalak Mariano Rajoy PPko buruaren balizko inbestidura saioan abstenitzea erabakiko balu.
Batzorde Federala hasi aurretik, Patxi Lopez PSOEren Ekintza Politikora idazkariak "lasaitasunez", "zuhurtziaz" eta "zentzuz" jokatzea eskatu du. Aldi berean, hiritarren arazoei erantzun eta konponbidea emateko eztabaida izatea espero du.
Militanteak, haserre
50 bat militante bildu dira PSOEren egoitzaren atarian, Sanchezi babesa adierazteko. 'Traidoreak', 'kolpistak' edo 'tejeroak' oihu artean hartu dituzte PSOEren sektore kritikoko hainbat kide, besteak beste, Eduardo Madina eta Maria Barreda.
"Ezetz ezetz da" edota "Baroiei, ez. Demokraziari, bai" leloak ere oihukatu dituzte. Orduek aurrera egin ahala militante gehiago batzea dago aurreikusita, sektore kritikoaren aurrean haserrea adierazteko.
Ferrazera iritsi diren aurrenetakoak Cesar Luena jardunean dagoen PSOEren Antolakuntza idazkaria, Susana Diaz Andaluziako presidentea edota Veronica Perez Batzorde Federaleko burua izan dira.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.