Pedro Sanchezek PSOEren buruzagitzan jarraituko du, presioari eutsita
Pedro Sanchezek Alderdi Sozialistako kritikoen presioari eustea erabaki du, eta PSOE zuzentzen jarraituko du, arratsalde honetan Batzorde Federaleko 35 kideetako 17k dimisioa eman duten arren. Sanchezek kargua utzi eta ezohiko kongresu bat deitu behar izatea eragin nahi zuten.
Dimisioen berri izan ostean, Cesar Luena PSOEren Antolakuntza idazkariak agerraldia egin du, Alderdi Sozialistako buruzagia Sanchez dela berresteko.
“Militanteei beldurra dieten horiek edo militanteek hitz egiterik nahi ez duten horiek zuzendu dezakete Alderdi Sozialista? PSOEn ezinbestekoa da militanteen babesa izatea alderdia zuzentzeko. Horretarako ez dago bidezidorrik, ez dago azpijokorik, ezta kolperik ere”, azpimarratu du.
Luenaren esanetan, zuzendaritzako 17 kideen dimisioak ezohiko kongresu batean argitu behar dira, afiliatuek euren iritzia emateko aukera izan dezaten.
“Alderdi Sozialista ordezkatu ahal izateko, ezinbestekoa da militanteei entzutea eta haien babesa lortzea. Ez du balio militanteengandik ezkutatzea botorik eman ez dezaten”, ohartarazi du.
PSOEren zuzendaritza, dimisioa eman duten kideak salbu, ostegun honetan bilduko dira, eta Batzorde Federala deituko dute. Batzorde Federalak antolatuko du zuzendaritza berria aukeratu beharko duen ezohiko kongresua.
“Pedro Sanchezek zuzentzen duen PSOEren Zuzendaritza Federalak alderdiaren araudia eta estatuak beteko ditu, hau da, ezohiko kongresua deituko duen Batzorde Federala antolatuko du, garrantzitsuena bermatzeko: militante sozialistei ahotsa eta botoa ematea”, erantsi du.
Dimisioen ondorioz zuzendaritzan egon daitekeen hutsuneaz galdetuta, Luenak esan du Pedro Sanchezek jarraitzen duela agintean: “PSOEren buruzagia idazkari nagusia da, eta PSOEren militanteek Pedro Sanchez hautatu zuten idazkari nagusi”.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.