PSOEko batzorde kudeatzaileak dio abstentzioa ez dela Rajoy babestea
Javier Fernandez PSOEko batzorde kudeatzailearen presidenteak astelehen honetan argitu du oraindik indarrean dagoela Alderdi Sozialistaren Batzorde Federalak Mariano Rajoyren inbestiduraren harira ebatzitako ezetza, baina, esan du abstentzioren alde egitea eta Rajoy babestea ez direla "gauza berdina". "Aukeratatik txarrena hirugarren hauteskundeak dira", gaineratu du, Pedro Sanchezek PSOEko buru gisa dimisioa eman ostean.
Ferrazen prentsaurrekoa eskaini du Fernandezek, eta adierazi du Batzorde Federalak erabakiko duela zein jarrera izango duen PSOEk Rajoyk inbestidura berri bati ekingo balio. Argitu du oraingoz indarrean dagoela Rajoyri ezezkoa emate erabakia, baina gaineratu du abstentzioa ez litzatekeela babesa ematearen berdina.
"Egiten duguna egiten dugula, argi dago PSOEk arazo bat duela", esan du, eta adierazi du batzordeak oraindik ez diola heldu gobernagarritasunaren auziari.
Hori bai, argi utzi du aukeren artean ez dagoela 85 diputatu sozialistei boto askatasuna ematea, PSCk hala eskatu arren.
Rajoyren deia
Bestalde, batzordearen buruak Mariano Rajoyren deia jaso du, protokoloari jarraituta, eta biek adostu dute alderdien arteko komunikazioari eustea.
Pedro Sanchezek ez du eserlekua utziko
Bestalde, Pedro Sanchezek gaur bertan esan du ez duela Kongresuko eserlekua utziko, eta militanteen garrantzia azpimarratu du, Twitterren igorritako mezuen bitartez.
ezuen bitartez.Albiste gehiago politika
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
PSOEk bere Kode Etikoa aldatuko du prostituzioa erabiltzen dutenak kanporatzeko
Pedro Sanchez bere alderdiko Berdintasun idazkariekin bildu da erreformari heltzeko. Kode Etiko berriak PSOE abolizionista dela azpimarratuko du, prostituzioa "emakumeen aurkako indarkeriaren adierazpena" baita.
Eusko Jaurlaritzak euskal politika "ez zikintzeko" eskatu du
Maria Ubarretxena bozeramaileak euskal politika "zikintzea" saihesteko deia egin du, eta Euskadin "gauzak beste era batera" egiten direla nabarmendu du.
PSOEk zuzendaritzan aldaketak egitea “logikoa” da, EAJren arabera, baina ohartarazi du ez dela nahikoa
Maitane Ipiñazar EBBko idazkariak espero du Sanchezek “zehaztasun gehiago” emango dituela uztailaren 9an Diputatuen Kongresuan aurreikusita dagoen agerraldian.
Sanchez PSOEko emakumeekin bilduko da, alderdian prostituzioa kontsumitzen dutenen aurkako neurriak adosteko
PSOEko idazkari nagusia neurri feministak prestatzen ari da Santos Cerdanen eta Jose Luis Abalosen eskandaluaren ostean.
Santos Cerdanen enpresako administratzaile Antxon Alonsok uztailaren 22an Senatuan agerraldia egitea eskatu du PPk
Popularren arabera, enpresari gipuzkoarra "ustelkeria sareko gakoetako bat izan da" politikarekin duen loturagatik, "Cerdanen enpresako administratzaileaz gain, Sanchezek aurkeztu zuen zentsura-mozioaren sustatzailea baita".
Rebeca Torro, PSOEko Antolakuntza idazkari berria
Santos Cerdan ordezkatuko du alderdiko hirugarren kargu garrantzitsuenean. Halaber, Sanchezek Antolakuntza idazkariaren hiru ondoko izendatu ditu: bi gizon eta emakume bat. Horrez gain, Montserrat Minguez diputatu kataluniarra izango da PSOEren bozeramaile berria, Esther Peñaren ordez.
PPk eta PSOEk asteburu erabakigarria izango dute 'Cerdan auzia' dela eta
Ostiral honetan, PPk Feijoo lider gisa sendotzeko kongresua abiatu du Madrilen. PSOEren Batzorde Federala, berriz, 'Cerdan auzia' hizpide nagusi den honetan egingo da.
Albiste izango dira: PPren kongresua eta PSOEren batzorde federala, Gasteizko lorezainen greba eta Independence Day
Gaurkoan albiste izango direnen laburpena, bi hitzetan.
'Begoña Gomez auzia'-n Gorenak Bolaños ikertzearen aurka agertu da Fiskaltza
Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.