Ertzaintzaren LEPa geldiaraztea baztertu du EAEko Auzitegi Nagusiak
Estatuko Abokatutzak egindako eskaera ezetsita, Ertzaintzaren azken Lan Eskaintza Publikoa (LEP), 25. promozioari dagokiona, geldiaraztea baztertu du EAEko Auzitegi Nagusiak.
Auzitegi honek LPEa legez kontrakoa zela ebatzi zuen uztailean, eta erabaki hori betearazteko eskatu zuen Espainiako Gobernuak. Auzitegiak, baina, baztertu egin du aukera hori, epaia betetzeak "zuzentzeko zailak diren kalteak" eragingo lituzkeela uste baitu. Izan ere, LEPa gainditu zutenak praktikak egiten ari dira joan den uztailetik.
Lan Eskaintza Publikoa baliogabetzeko epaia ez da irmoa, eta Jaurlaritzak helegitea jarri zuen epai horren kontra. Ondorioz, behin-behinean, auzitegiek auziaren inguruko behin betiko erabakia hartu bitartean, jardunean jarraitu ahalko du Ertzaintzaren 25. promozioak.
Ekainean aurkeztutako epaiak 254 agenteri eragiten die, Eusko Jaurlaritzaren Segurtasun Sailak 2015ean deitu zuen Ertzaintzaren azken Lan Enplegu Publikorako eskaintzan plaza lortu zutenei, hain zuzen.
Aretoak bost eguneko epea ezarri du gaur jakitera eman duen epaiari helegitea jartzeko.
Espainiako Gobernuak Ertzaintzaren azken Lan Eskaintza Publikoaren kontra helegitea jarri zuenean hasi zen guztia, Gobernuak funtzionarioentzat ezarritako berritze-tasa errespetatzen ez zuela iritzita.
EAEko Auzitegi Nagusiak Mariano Rajoyren gobernuari eman zion arrazoia, Eusko Jaurlaritzak bere eskumenak gainditu zituelakoan. Estatuko Abokatutzak epai hori betearaztea eskatu zuen ondoren, Auzitegi Gorenak Jaurlaritzak jarritako helegitea aztertu baino lehen.
Eusko Jaurlaritzaren datuak eskuan, EAEko Auzitegi Nagusiak azaldu du 254 ertzain ari direla praktikak egiten, eta Segurtasun Batzordean adostutako 8.000 ertzainen langara iristeko 145 falta direla gaineratu du. Hori dela eta, epaia geldiaraztea baztertu du EAEko Auzitegi Nagusiak.
Jaurlaritzak "pozez" hartu du EAEko Auzitegi Nagusiaren erabakia. Estefania Beltran de Heredia Eusko Jaurlaritzako Segurtasun sailburuak esan duenez, Jaurlaritzak Ertzaintzaren 25. promozioa defendatzen jarraituko du Auzitegi Gorenean, ertzainen kopuruari eusteko.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.