Maura, Legebiltzarreko Mahaian gehiengo 'aurrerakoia' osatzearen alde
Eduardo Maura Podemos Euskadiren Bizkaiko diputatuak Eusko Legebiltzarreko Mahaian gehiengo "aurrerakoia" osatzeko deia egin die PSE-EEri eta EH Bilduri. Mauraren hitzetan, "legegintzaldi aurrerakoi baten berme onena Mahai aurrerakoia" izatea da, eta ingurumaria horretan, EAJk gehiengoa ez edukitzearen alde egin du.
Podemosek 11 eserleku eskuratu zituen hauteskundeetan; EH Bilduk, 18, eta PSE-EEk, 9. Guztiak batuta, 38 ordezkari (gehiengo absolutua) izango lituzkete hiru alderdiek. Gehiengo horri heltzeko deia egin du Maurak Radio Euskadin egindako elkarrizketa batean.
Horrez gain, PSE-EEk eta EH Bilduk gobernagarritasunaren alorrean EAJri egindako "eskaintza sorta" kritikatu du. "Gauzak orain arte bezala jarraitzeko aliatu onena nor den erakutsi nahian, lehian dabiltza", salatu du.
Horren aurrean, Elkarrekin Podemosek "oposizio eraikitzailea" egingo duela hitzeman du, "batzen gaituzten gaietan herri-akordioak" lortze aldera. Mauraren esanetan, "batzen gaituzten gaietan, hor izango gara", baina EAJrekin "funtsezko ezberdintasunak" dituzte, eta horrek gobernua osatzea oztopatzen du. "Legebiltzar eta Jaurlaritza hauei gizarte politikan harago joatea falta zaie, sentsibilitate sozial gehiago", argudiatu du.
EH Bilduren eta PSE-EEren jarrerarekin kritiko azaldu da Maura. Horren ustez, "lehian" dabiltza bi alderdiak, EAJri "eskaintza sorta" eginez, "gauzak orain arte bezala jarrai dezaten".
Horren ordez, Ganberan duten gehiengoa baliatzeko eta Legebiltzarreko Mahaia "aurrerakoia" osatzeko eskatu die biei. Maurak nabarmendu duenez, "alderdi aurrerakoi guztiek, Elkarrekin Podemos eta PSE-EE barne, Legebiltzarreko Mahaian ordezkaritza izatearen alde gaude, hori baita legegintzaldi aurrerakoi baten berme onena".
Bestalde, Pili Zabala lehendakarigaia talde parlamentarioaren bozeramaile ez izateko erabakiari buruz galdetuta, "erantzukizun partekatuaz eta arrazoizko orekaz" hitz egin du Maurak. Lander Martinez izango da Elkarrekin Podemosek Legebiltzarrean izango duen eleduna.
>
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.