Urriaren 12ko lehen desfilea Gobernua jardunean dela
Urriaren 12ko desfilea ospatu dute gaur Madrilen, Gobernua jardunean dela lehen aldiz. Espainiako errege-erreginak izan dira buru ekitaldian, eta Mariano Rajoyk egin die harrera, jarduneko Gobernuko presidenteak.
Bestalde, zenbait presidente autonomiko ez dira desfilean izan: Iñigo Urkullu lehendakaria, Uxue Barkos (Nafarroa), Carles Puigdemont (Katalunia), Ximo Puig (Valentzia) eta Alberto Nuñez Feijoo (Galizia).
Horrez gain, Podemoseko ordezkaririk ere ez da izan, gonbidapenari uko egin eta gero. Manuela Carmena Madrileko alkatea ere ez da joan, Latinoamerikan dagoelako.
Agintarien tribunan, Javier Fernandez PSOEko gestorako presidentea eta Albert Rivera egon dira, Ciudadanos alderdiko presidentea. Halaber, PSOEk eta PPk Kongresuan dituen bozeramaileak ere joan dira: Antonio eta Rafael Hernando, hurrenez hurren.
Desfile militarra amaituta, errege-erreginek harrera egin diete mila gonbidatu baino gehiagori Errege-Jauregian.
Pedro Sanchezen mezua
Pedro Sanchez sozialisten idazkari nagusi izandakoak mezu bat argitaratu du Twitterreko bere kontu ofizialean urriak 12ko jai eguna ospatzera deituta.
"Urriaren 12 hau ospatzen dugu elkarrizketarako eta elkarrulermenerako deia eginez gure herrialde eraikitzeko asmoz. Asmo horrekin egingo dugu lan beti sozialista guztiok", nabarmendu du.
Urriak 29, balizko inbestidurarako data
Sozialistek eta PPko agintariek Mariano Rajoy presidente izendatzeko esku artean darabilten balizko inbestidura-eztabaidarako egutegiaren arabera, urriaren 29an izendatuko lukete presidente Rajoy. Hala ere, Ana Pastor Kongresuko presidenteak ohartarazi duenez, oraindik ez du horri buruzko behin betiko erabakirik hartu.
Pastor urriaren 12ko ekitaldi ofizialetan parte hartu du, eta errege-erreginek egin duten harreran kazetariei jakinarazi dienez, oraindik ez du erabaki zein egunetarako deituko duen inbestidura-saioa. Berari dagokio zeregin hori, behin erregeak hautagai bat proposatuta, urriaren 24aan eta 25ean egingo dituen elkarrizketa-sorten ostean.
Alabaina, PPren eta PSOEren parlamentuko bozeramaileek (Rafael Hernando eta Antonio Hernando, hurrenez hurren) harrera ekitaldi berean adierazi dutenaren arabera, eskua artean dituzten datekin urriaren 29an amaituko litzateke inbestidura-eztabaida.
Rafael Hernandoren esanetan, egun horretan Rajoyk bigarren bozketan lortuko luke Ganberaren konfiantza.
Mariano Rajoy zuhur agertu da, balizko inbestidura baten aurrean
Mariano Rajoy jarduneko Gobernuko presidenteak zuhurtziaz jokatu du asteazken honetan, balizko inbestidura berri baten atarian. Hala ere, onartu du prestatzen joan beharko lukeela Kongresuan egingo litzatekeen eztabaida horretarako. Oraingoz egin dezakeen onena "isilik egotea" dela esan du, hirugarren hauteskundeak saihesteko sozialistek zer egingo duten ikusi arte.
Garcia-Pagek EAJrekin hitz egiten ari direla onartu du
Bestalde, Emiliano Garcia-Page Gaztela-Mantxako presidenteak adierazi duenez, ziur dago PSOEk "gehiengo handiz" adostuko duela hirugarren hauteskudeak ekiditeko formula. Halaber, sozialistak EAJrekin hitz egiten ari direla baieztatu du.
Zure interesekoa izan daiteke
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".
EAJk aberri bizia eta estatus berria eskatu ditu Aberri Egunean
Milaka pertsona bildu dira Bilbon, Aberri Eguna ospatzeko, “Aberria Bizi” lelopean. Aurrera egingo duen Euskadi aldarrikatu dute jeltzaleek. Estebanek ekitaldi politiko jendetsua iragarri du maiatzerako, udal eta foru hauteskundeak baino urtebete lehenago, eta Pradalesek autogobernuaren defentsa egin du.
EH Bilduk esan du "lasai" baina "sendo eta irmo" jardungo duela, Euskal Errepublika helburu
Iruñean ospatu du ezker independentistak Aberri Eguna. Milaka pertsonak parte hartu dute Nafarroako hiriburuko erdigunea zeharkatu duen manifestazioan. Horren ostean, Arnaldo Otegi EH Bilduren idazkari nagusiak esan duenez, "lasaitasunez eta herriaren oxigenoarekin, gailurrera helduko gara".
"Edozein jarrera baztertzaile" gainditzen duen Aberri Eguna aldarrikatu du Podemosek
Autogobernurako eskubide "legitimoa" bizitza proiektu komun bat erabakitzeko aukera gisa ulertzen du, "banderen liskarren" gainetik.
EAJk "nazio handiagoa" aldarrikatuko du Aberri Egunean, eta EH Bilduk eta EH Baik "subiranotasun gehiago" eskatuko dute
Alderdi abertzaleek Aberri Eguna ospatuko dute Pazko igandean. Ohi bezala, Bilboko Plaza Barrian egingo du ekitaldi nagusia EAJk, 11:00etatik aurrera. Koalizio abertzaleak, bestalde, Iruñeko Golem zinemetatik abiatuko den manifestazioarekin abiatuko du eguneko egitaraua, 12:00etan.
Euskal Hirigune Elkargorako duen proiektua aurkeztuko du Alain Iriartek asteartean, Etchegaray garaitu asmoz
Jean Rene Etchegaray Baionako auzapezak 2017tik dihardu karguan. Iriart "Bil Gaiten" hautagaitzaren ordezkari izango da eta hurrengo egunetan jakingo da Pello Etxeleku Kanboko auzapeza ere aurkeztuko den ala ez. Bozketa apirilaren 11n izanen da.
Ernai gazte antolakundeak memoria eta borroka aldarrikatu ditu Abadiñon egindako Topagunean
Etorkizuna, askatasuna eta konpromisoaren beharra goraipatuz, preso eta iheslariak ere gogoan izan dituzte amaitu berri duten ekitaldi politikoan.
Igandean, Bilbon, Aberri Egunean parte hartzeko eta "euskal aberria egunero bizitzeko" deia egin du Aitor Estebanek
EBBko presidenteak Euskadi egunerokoan "bizitzeko" deia egin du, horren etorkizuna bermatzeko. Halaber, Aberri Egun bateratua ospatzeko oinarri komunik ez dagoela uste du, alderdi bakoitzak herri eredu "ezberdinak" dituelako, baina ez du baztertzen batasun hori etorkizunean "agian" eman ahal izatea.
"Eskubideen eta subiranotasun energetikoaren 'amerria'" aldarrikatuko du Sumarrek Aberri Egunean
Bere eredua eta EAJren "Petronor ereduaren kea" aurrez aurre jarri ditu.
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.