Madrilgo ikasleek Felipe Gonzalezi: 'Odolez zikinduta zaude'
Madrilgo Unibertsitate Autonomoaren Zuzenbide Fakultatean protesta egin dute gaur 200 bat ikaslek —gehienek burua estalita zuten— Felipe Gonzalez Espainiako Gobernuaren presidente ohiaren kontra. Ikasleek fakultateko atea blokeatu dute, PSOEko buruzagia sar ez zedin. Gonzalezek mahai-inguru bat zuen 12:00etan, Juan Luis Cebrian Prisa taldeko presidentearekin batera.
"Felipe Gonzalez, odolez zikinduta zaude" eta "hiltzaileak, ez zarete ongietorriak" bezalako oihuak egin dituzte manifestariek. Pankarta bat ere zabaldu dute, honako leloarekin: "ez zarete ongietorriak Gal, Panamako paperak, Estatu kolpeak, terrorismoa, manipulazioa, zentzura, tortura, oligarkak".
Protesta dela eta, mahai-ingurua bertan behera uztea erabaki du azkenean Unibertsitateak.
Manifestariek Zuzenbide Fakultatearen 'Tomas y Valiente' areto nagusia inguratu dute eta kolpeak eman dizkiote ateari. Areto barruan, 100 bat pertsona zeuden.
Fakultatearen kanpoaldean, hainbat ikaslek panfletoak banatu dituzte "txarrena eta desagertzen ez dena ordezkatzen duten pertsona higuingarri hauei boikota egiteko zilegitasun osoa" dutela defendatuz.
Zure interesekoa izan daiteke
Torresek akordioak ospatu ditu eta guztiek "Konstituzioa, Estatutua eta legedia" errespetatzen dituztela esan du
Angel Víctor Torres ministroak aldebiko batzordearen bilera "produktiboa" izan dela esan du, eta aurrez egin den "lan handia" nabarmendu du. Bi administrazioek, gainera, etorkizunean industria eta energia, osasuna edo immigrazioa bezalako esparruetan akordioak lortzeko negoziazio ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.
Delituak errepikatzen dituztenei aplikatu beharreko irizpideak gogortzea adostu dute Pradalesek eta Sanchezek
Arma zuriak eramateagatik indarrean dagoen zehapen-araubidea indartu egingo da, aldaketak bultzatuko dira delituak errepikatzen dituzten delitugileekin erabili beharreko araudian, eta Ertzaintzak atzerritartasun esparruan parte-hartze operatibo "erabilgarria" izatea erraztuko da.
Euskadik aireportuen kudeaketan parte hartuko du, lehendakariak Pedro Sanchezekin adostu ostean
Bilkurak bestelako akordio batzuk ere ekarri ditu, hala nola herritarren segurtasuna hobetzekoak edo industria arloko enpresa ertain eta txikiei laguntzeko neurriak.
Pradales Sanchezekin bildu da Irango gerra, Euskadi iparraldeko muga gisa hartzea eta medikuen greba aztertzeko
Transferentziak eta Tubos Reunidosen zorraren berregituraketa ere aztertuko dituzte. Espainiako Gobernuak eta Eusko Jaurlaritzak Aldebiko Batzordearen laugarren bilera dute gaurkoa Moncloan.
Euskal Herria Bateraren ekitaldia
Lizarratik zuzenean, Aberri Egunaren ospakizun bateratua.
Albiste izango dira: Pradales-Sanchez bilera, Korrika eta 2026ko EITB Maratoiaren kausa
Gaurkoan Orainen albiste izango direnen laburpena, bi hitzetan.
Sanchezek iragarri du Carlos Cuerpo izango dela Maria Jesus Monteroren ordezkoa lehen presidenteorde gisa
Orain arte lehen presidenteordea eta Ogasun ministroa izan dena Gobernutik atera da Andaluziako Juntako presidentegai sozialista izateko.
Irango gerraren ondorioen aurkako neurrien dekretua onartu dute Kongresuan
Neurri ekonomikoek 5.000 milioi euro mobilizatzea aurreikusten dute. Voxek bakarrik bozkatu du kontra, eta PPk eta Podemosek abstentziora jo dute.